2023 жылдың ақпан айының 6 және 7 жұлдызында болған Түркия Республикасындағы ең жойқын жер сілкінісіне куә болдық. Бұл жер сілкінісінен зардап шеккендердің басым бөлігі балалар екені сөзсіз. Пандемия кезіңінен бастап ақсап тұрған білім беру жүйесі осы жер сілкіністерінен кейін тағы жайыда зардап шекті. Балаларды тәрбиелеудің қаншалықты қиын және маңызды екенін барлығымыз білеміз. Ал бұл жағдайда зардап шеккен балалар сыртқы жарақаттарынан бөлек, психологиялық тұрғыдан да өте қатты соққы алғаны да белгілі. Жер сілкінісінен алғаш зардап шеккен провинцияларда зақымданбаған мектеп жоқтың қасы, сондықтан зардап шеккен мыңдаған балалар шатырлы үйде білім беру мәселесі қалай болатыны және қоныс аударуға мәжбүр болған отбасылар балаларының жаңа білім өмірінде не күтіп тұрғанына алаңдайды.
Сонымен қоса, өңірдегі зардап шеккен он мыңдаған балалар білім алу үшін басқа қалаларға көшірілді. Алдағы Lgs (High School Transition System) емтиханын басқа замандастарымен салыстырғанда тапсыру мүмкіндігі жеткілікті деңгейде болмайтыны, ал басқа қалаларға қоныс аударған балалардың жаңа ортаға үйренісуі, ауыр сынаққа айналды. 6 ақпандағы Мараш жер сілкінісінен кейін көптеген балалардың армандары артта қалды. Білім алу жүйесін уақытша қалпына келтіру үшін бір топ ерікті-мұғалімдер арнайы «Gönülü ders » атты онлайн білім беру платформасын құрып, оқушылар емтиханға дайындалу үшін онлайн режимінде сабақ беруде.
«Мұғалімдер академиясы» қорының қолдауымен жүзеге асырылған бұл волонтерлік жобаға 2023 жылдың 13 наурызынан бастап жер сілкінісінен зардап шеккен 3160 студент ерікті түрде өтініш беріп, жұмысқа қабылданды. Бұл платформада 1656 ерікті мұғалім оқытылып, олардың саны күн санап артып келуде. Сонымен қатар, үкімет тарапынан жер сілкінісінен зардап шеккендерге психологиялық қолдау көрсету үшін психоәлеуметтік қолдау орталығы құрылғаны туралы білім министрі Махмут Озер : «Біз барлық зардап шеккен қалаларда және орталықтарда психоәлеуметтік қолдау шатырларын құрып жатырмыз. Осыған дейін біз 187 шатыр құрдық. Мұғалімдер, мектепке дейінгі тәрбиешілер, медбикелер, психологиялық кеңесшілер балалардың көңіл- күйін көтеруге,, ойын ойнауға, спортпен шұғылдануға жағдай жасайды. Зардап шеккен балалардың психологиялық жағдайын тұрақты қалыптастыруға жұмыс жасаудамыз»,- деді.
Аяулым Әбдірахман,
Қожа Ахмет Ясауи атындағы ХҚТУ-дің
3 курс студенті, Түркия, Измир.