«Қорған-М» Республикалық қоғамдық бірлестігі «2024 жылғы миграция жолдары: Орталық Азия – Қазақстанның оңтүстігі» жобасын жүзеге асыруда. Жоба Еуропалық Одақтың қаржылық қолдауымен ЕО-ға мүше мемлекеттердің шекараны басқару жөніндегі агенттіктер консорциумы мен Халықаралық көші-қон саясатын дамыту орталығы (ICMPD) жүзеге асыратын БОМКА 10 (Орталық Азиядағы шекаралық басқару бағдарламасы) гранттар тетігі аясында іске асырылуда. Бағдарламаға Латвия Республикасының Мемлекеттік шекара қызметі жетекшілік етеді.
Жобаның басты мақсаты – Орталық Азия елдерінен Қазақстанның оңтүстігіндегі миграциялық қақпа арқылы келіп жатқан мигрант отбасыларының әлеуметтік әл-ауқатын арттыру және құқықтарын кеңейту.
«2024 жылғы миграция жолдары» жобасының маңызды құрамдас бөлігінің бірі – еңбек мигранттарына және олардың отбасыларына қолдау көрсетуге бағытталған Ақпараттық-консультациялық орталықтың құрылуы болды.
Орталық жұмысы үш форматта жүзеге асырылды:
- Telegram мессенджерінде бірыңғай арна арқылы кеңес беру және ерекше жағдайларда жоба тобының мекенжай бойынша шығуы;
- Шекара маңындағы аудандарда жергілікті атқарушы органдар, БАҚ өкілдері, медициналық және құқықтық кеңесшілердің қатысуымен жұмыс кездесулері мен көшпелі акциялар өткізу;
- Мигранттардың қатысуымен «тең – теңге» форматында әзірленген ақпараттық материалдарды тарату.
Бұл тәсіл нысаналы топтарды өзекті ақпаратпен қамтамасыз етіп қана қоймай, мигранттардың құқықтары мен мүдделерін сақтау тәжірибесін түзетуге қажетті кері байланыс механизмін жолға қоюға мүмкіндік береді.
«Ақпараттық-консультациялық орталықтың жұмысы мигранттардың өздерін қорғалған сезінуіне шын мәнінде ықпал етіп жатқанын көріп отырмыз. Бұл — көші-қон қызметі, үкіметтік емес ұйымдар мен мигранттар арасындағы тұрақты өзара іс-қимылды жолға қоюдағы маңызды қадам», — деді Сарыағаш АПБ көші-қон қызметі бөлімінің бастығы, полиция подполковнигі Диханбаев Азамат Әмірханович.