Шаҳримиздаги Шавгар кичик туманига қарашли С.Нарбаева ва Н.Тўреқулов кўчаларининг аҳолиси ичимли сув, йўл, ахлат масалаларини ҳал қилолмаётганликларини етказди. Маълум бўлишича, оқшом бу ерда электр ёруғи ночорлашиб ёнмай қолади. Ҳатто, электр токи манбасига ҳеч нарса улай олмаймиз дейди. Сув масаласига келганда тоза ичимли сув келмаган. Кўчанинг ўрта қисмида оқиб турадиган илиқ сувни ҳар бир турғун уй идишда ташиб ичишга мажбур. Энг асосийси аҳолини қийнаётган яна бир масала турғун уйлар ўртасида жойлашган ахлат тўкилган чуқурлар бўлмоқда.
С.Нарбаева билан Н.Тўреқулов кўчаларида юздан зиёд оила яшайди. Ахлат тўкилган чуқурларнинг кўламлари улкан бўлганликдан бу ерда ҳар ҳудуддан одамлар ахлат ташлаб кетади экан. Эвазига бунинг зарарини шу атрофдаги аҳоли чекмоқда. Ёз кунлари бадбўй ҳид чиқиб, шамол билан учган кул-ахлат ҳовлиларга қадар кириб, ҳамма ёқни ифлослантирмоқда, деб ўз эътирозларини билдирган аҳоли бу масалада ижобий ечимини топишини илтимос қилмоқда.
Ушбу масалалар бўйича шаҳар инфратузилма ва коммуникациялар бўлими раҳбари Нурсултан Жарасов билан махсус учрашиб ичимли сув ва ахлат ёруғлик масалаларининг муаммосини ечиш бўйича маслаҳат олгандик. Бўлим раҳбарининг айтишича, ушбу кўчаларда ёруғлик ўрнатиш ишлари қўлга олиниб, қурилиш ишлари бошланган. 2016-2017 йиллари бу кўчаларга сув берилган аммо, сувдан аҳоли фойдалана олмаяпти. 2020-2021 йилларга тоза ичимлик сув билан таъминлаш режаси тасдиқланганини айтди. Ушбу ахлатдаги чуқур ҳақида айтиладиган бўлса, асосий эътиборда турган жиддий масала. Ўтган ҳафтада шаҳар ҳокими Р.Аюповнинг ташаббуси билан чуқурлар ёпилган эди. Лекин, бундай чуқурлар ҳали ҳам кўп. С.Нарбаева кўчасидаги шундай улкан кўламда 40 сўтихдай майдонни эгаллаган чуқур ўта хавфли шароитда. Бу ерда тўкилган шиша синиқлари билан қўшиб таркибида химиявий моддалари бор зарарли ахлатлар ҳам йиғилиб қолган.
Ушбу кичик туманнинг йўл тизими ҳақида тўхталсак, обдон тўзган йўллардан аҳолининг асаби бузилган. Тез ёрдам, ёнғинни ўчириш хизматларининг кўликлари бу ерга ўз вақтида етолмай қолади. Бу ҳақда йўловчилар кўлиги ва автокўлик йўллари бўлими раҳбари Байдулла Ўразбековнинг маълумотига кўра энг аввало мухандислик инфратузилма (оқава сув, ичимли сув ва газ тизими) тугалланган кўчаларга ўртача таъмирлаш ишлари юритилмоқда. Ушбу кўчага инфратузилма тизими тўлиқ тугаллангандан кейин мажмуавий равишда ўртача (асфальт, пиёдалар йўлаги, ёруғлаштириш) таъмирлаш ишларини юритишни тавсия этади. Тавсия қўллов топиб, зарур маблағ кўлами ажратилган шароитда ўртача таъмирлаш ишлари юритилади. Ушбу масалаларнинг ҳал бўлишини биз ҳам ўз томонимиздан назорат қиламиз. Эндиликда, бажариладиган ишлар ривожини тилаймиз.
Арайлим МЕЙРАМХАН қизи.