Ұлы Жеңістің 75 жылдығы қарсаңында Шымкент қаласында пауэрлифтингтен жасөспірім ұлдар мен қыздар, ерлер мен әйелдер және ардагерлер арасында Қазақстан Республикасының чемпионаты өтті. Аталмыш сайысқа еліміздің барлық аймақтарынан 500-ге жуық зілтеміршілер қатысып, 19 салмақ бойынша бас жүлдені сарапқа салды.
Тартысты өткен ел біріншілігінде шардаралық спортшылардың мерейі үстем болды. Атап айтқанда, 48 кг салмақ дәрежесінде Мақсат Мыңболат алтыннан алқа тағынса, 59 кг салмақта Нұрмұхаммед Жұмаділлә 2-ші орынды еншіледі. Ал, қола жүлдені 48 кг салмақта Арман Тойлыбай қанжығасына байлады.
Арайлым МЕЙРАМХАНҚЫЗЫ.