Түркістан қаласындағы №7 кітапхана филиалының ұйымдастыруымен Қазақстан халқы Ассамблеясына 25 толуына және 1-наурыз «Алғыс айту күні» мерекесіне байланысты кездесу өтті.
Татулықты ту еткен әдеби кешке Абай атындағы №31 жалпы орта мектебінің оқушылары мен кітапханашылары және қалалық әжелер алқасының мүшелері сондай – ақ өзге этнос өкілдері де қатысты.
Шараның мақсаты жастардың Отанға деген сүйіспеншілігін арттырып, туған еліне деген ыстық ықыласын арттыру. Бас қосуда сөз алған Таня Сауранбаева мен Фаруза Шарипова дархан көңіл қазақ халқына деген ризашылығы мен алғыстарын жеткізді.
Арайлым МЕЙРАМХАНҚЫЗЫ.