Қоғамдық тәртiп – тұрақтылық пен бейбiт өмiрiмiздiң кепiлi. Қылмыспен күрес жүргiзiп, ел халқының iшкi қауiпсiздiгiн кiрпiк қақпай күзететiн тәртiп сақшыларының еңбегi ерен. Осы айтулы мереке қарсаңында Түркiстан қаласы iшкi iстер басқармасының бастығы, полиция полковнигi Ерлан Қыдырбаевпен сұхбаттасқан болатынбыз.
– Қала көлемiнде биылғы жылдың 5 айында қоғамдық тәртiп пен қоғамдық қауiпсiздiктi қамтамасыз ету, сондай-ақ қылмысқа қарсы күрес жолында қандай жұмыстар атқарылды?
– Есептi кезеңде қылмыстық құқық бұзушылықтардың деңгейi өткен жылдың осы уақытымен салыстырғанда 1044 қылмыстық iс-әрекет болып тепе-теңдiктi сақтаған. Ал, криминалдық полицияға қарасты бағыттағы қылмыстар саны былтырғы 942-ден биылғы жылғы 937-ге немесе 0,5 пайызға кемiдi. Қала көлемiнде орын алған барлық ауыр және аса ауыр қылмыстардың жалпы саны былтырғы 73-тен биылғы 69 фактiге кемiген.
Жүргiзiлген жедел-iздестiру шараларының нәтижесiнде қала көлемiнде орын алған аса ауыр қылмыс түрлерiнiң, оның iшiнде қасақана адам өлтiру, әйел зорлау, қасақана ауыр дене жарақатын салу, қарақшылық, бұзақылық және есiрткiге қатысты қылмыстардың ашылу деңгейлерi 100,0 пайызға дейiн көтерiлген болса, тонау қылмыстарының ашылуы былтырғы 76,9 пайыздан 85,7 пайызға дейiн жоғарылаған.
– Бөтеннiң мүлкiн ұрлаумен орын алған қылмыстардың ашылу деңгейi қалай?
– Бөтеннiң мүлкiн ұрлау қылмыстары өткен жылдың 654 фактiден биылғы жылғы 602-ге, оның iшiнде пәтер ұрлығына байланысты қылмыстар 196-дан 148-ге дейiн кемiген. Алдағы уақытта бұл бағытта жұмысымызды жүйелi жолға қою мақсатында нақты шаралар қабылдауды қолға аламыз.
– Басқарманың тергеу және анықтау бөлiмi мен жергiлiктi полиция қызметiнiң жұмысына тоқталып өтсеңiз?
– Жалпы қылмыстың егжей-тегжейiн анықтап, зерттеп, қылмысты ашу осы бөлiмге жүктеледi. Жауапкершiлiгi мол тергеу бөлiмiнде орын алған қылмыстар бойынша өткен жылдың осы кезеңiнде тергеушiлердiң өндiрiсiмен 488 iс аяқталып, сот қарауына 281 қылмыстық iс жолданған болса, биылғы жылдың 5 айында 431 iс өндiрiспен аяқталып, 200 қылмыстық iс сот қарауына жолданau.
Ал, жергiлiктi полиция қызметiнiң жұмысына келсек, көпшiлiк орындарда орын алған қылмыстар саны 210-нан 183-ке, оның iшiнде көшелерде орын алған қылмыстар саны 119-дан 118-ге, адамдардың топтасып қылмыс жасауы 89-дан 87-ге төмендеген. Жасөспiрiмдер тарапынан жасалған қылмыстар былтырғыдай 9 фактi және адамдардың мас халде жасаған қылмыстары өткен жылғыдай 10 дәйек деңгейiнде болған.
– Бұрын сотты болғандармен жұмыс қандай деңгейде? Қоғамдық тәртiп пен қоғамдық қауiпсiздiктi қамтамасыз етудегi жұмыстарыңыз жайы туралы не айтасыз?
– Әрине, олармен тығыз байланыс орнатып, үнемi қадағалауды қолға алғанбыз. Елбасымыздың құқық қорғау қызметкерлерiнiң алдына кез келген құқық бұзушылықтарға «Нөлдiк төзiмдiлiк» ұстанымын қолдану жайлы қойған тапсырмаларын орындау барысында жол-патрулдiк полиция қызметкерлерi көпшiлiк орындарды ластаған, белгiленбеген орындарда темекi тартқан, спирттiк iшiмдiк iшкен, ұсақ бұзақылықтар жасаған, жол ережелерiнiң талаптарын бұзған және басқа да құқық бұзушылықтарға жол берген 3219 азаматты (2017 жылдың 5 айында 3181 тұлға) анықтап, оларға ҚР Әкiмшiлiк құқық бұзушылық туралы кодексiнiң талаптарына сәйкес тиiстi әкiмшiлiк шара қолдану жөнiндегi хаттамалар толтырылды.
– Кәсiби мереке қарсаңында басқармада таңдаған мамандығына адал, жұмыста озат қызметкерлердi тiлге алсаңыз?
– Тұрғындардың қауiпсiздiгiне баса мән беретiн, қылмыскерлермен күреске дайын тұратын ержүрек полицейлер арамызда жеткілікті. Осы салада барлығының да өз орны бар, өз деңгейiнде жұмыстарын адал атқарып келедi. Солардың қатарында анықтау бөлiмiнiң аға анықтаушысы, полиция майоры Мұрат Утенов, криминалдық полиция бөлiмiнiң бөлiмше бастығы, полиция майоры Талғат Бижанов, кезекшi бөлiмiнiң жедел кезекшiсi, полиция аға лейтенанты Рысбек Алмаханов, жергiлiктi полиция қызметiнiң аға учаскелiк инспекторы, полиция майоры Нұрлыбек Омарбаев, тергеу бөлiмнiң аға тергеушiсi, полиция майоры Нұрғалым Серiков, жергiлiктi полиция қызметiнiң жол патрулдiк полиция ротасының полицейi, аға сержант Хасен Ибраев, кадр жұмысы тобының аға инспекторы, полиция аға лейтенанты Еркебұлан Опабековтардың жұмыстарын ерекше атап өткiм келедi. Жергiлiктi газет басылымын пайдалана отырып, барлық полиция қызметкерлерiн кәсiби мерекесiмен құттықтаймын.
– Сұхбатыңыз үшiн рахмет.
Райымжан ӘЛIБАЕВ,
«Түркiстан».