Тугжанов Куат Сартбаевич
ӨМІРБАЯНЫ
Мен, Тугжанов Куат Сартбаевич, 1979 жылы 11 тамызда дүниеге келдім. 2010–2013 жылдары Мемлекеттік Мақтаарал гуманитарлық-экономикалық және агробизнес колледжінде «Ветеринария» мамандығы бойынша білім алып, орта арнаулы білім алдым. 2014–2024 жылдары Жаңа Иқан ауылдық мал дәрігерлік бекетінде ветеринар болып қызмет атқардым. 2024 жылдан бастап қазіргі уақытқа дейін сантехник болып еңбек етіп келемін.
Туған жерім Ибата ауылының дамуы мен тұрғындардың тұрмыс сапасын жақсарту – мен үшін маңызды. Жауапкершілікті, ұқыптылықты және тапсырылған жұмысты уақытылы орындауды басты қағидам деп санаймын. Ауылдың инфрақұрылымын дамыту, жол, ауызсу, электр қуаты, көшелерді жарықтандыру, жастарды қолдау және жұмыспен қамту мәселелеріне назар аудару қажет деп есептеймін. Алдағы уақытта тұрғындардың ұсыныс-пікірлерін ескеріп, ауылдағы өзекті мәселелердің шешілуіне атсалысуға және ел игілігі жолында жауапкершілікпен еңбек етуге дайынмын.
Туған жерімнің дамуына атсалысып, ауыл тұрғындарының игілігі үшін адал қызмет ету – басты ұстанымым
САЙЛАУАЛДЫ БАҒДАРЛАМАСЫ
1. АУЫЗСУМЕН ҚАМТАМАСЫЗ ЕТУ ЖӘНЕ ИНЖЕНЕРЛІК ЖЕЛІЛЕР
Ауылдағы ауызсу жүйесінің жағдайын зерделеу, су құбырларындағы ақауларды анықтап, жөндеу жұмыстарын жүргізу мәселесін тиісті мекемелер алдында көтеру. Электр желілерінің тозған бөліктерін жаңарту және тұрақты электр қуатымен қамтамасыз етуге ықпал ету.
2. АУЫЛ КӨШЕЛЕРІН ЖӨНДЕУ ЖӘНЕ ЖАРЫҚТАНДЫРУ
Жөндеуді қажет ететін көшелердің тізімін жасап, кезең-кезеңімен асфальттау немесе тас төсеу жұмыстарын ұсыну. Қараңғы көшелерге жарық шамдарын орнату, жол белгілері мен жаяу жүргіншілер қауіпсіздігін реттеу мәселесін бақылау.
3. ЖАСТАРДЫ ЖҰМЫСПЕН ҚАМТУ ЖӘНЕ КӘСІПКЕРЛІКТІ ҚОЛДАУ
Жұмыссыз жастарды мемлекеттік жұмыспен қамту бағдарламаларына тарту, кәсіптік оқыту курстары туралы ақпараттандыру. Шағын кәсіп ашуға ниетті тұрғындарға гранттар мен жеңілдетілген қаржыландыру мүмкіндіктерін пайдалануға қолдау көрсету.
4. АУЫЛ ШАРУАШЫЛЫҒЫН ДАМЫТУ
Мал шаруашылығымен айналысатын тұрғындардың мәселелерін тиісті органдарға жеткізу. Жайылымдық жерлерді тиімді пайдалану, мал дәрігерлік қызметтің қолжетімділігі және ауыл шаруашылығына арналған мемлекеттік қолдау шаралары бойынша тұрғындарға ақпараттық көмек көрсету.
5. ӘЛЕУМЕТТІК ҚОЛДАУ ЖӘНЕ МЕДИЦИНАЛЫҚ ҚЫЗМЕТ
Ауылдағы медициналық қызмет сапасын жақсарту, дәрігерлік қабылдау мен профилактикалық тексерулердің қолжетімділігін арттыру мәселесін көтеру. Аз қамтылған отбасыларға, көпбалалы жанұяларға, қарттар мен мүмкіндігі шектеулі азаматтарға әлеуметтік көмек алу жолдарын түсіндіру.
6. БАЛАЛАР МЕН ЖАСТАРҒА АРНАЛҒАН ЖАҒДАЙ ЖАСАУ
Балалар ойын алаңдарын жөндеу және жаңарту, спорттық алаңдардың қолжетімділігін арттыру, жастардың бос уақытын тиімді өткізуіне арналған үйірмелер мен спорттық іс-шараларды ұйымдастыруға атсалысу.
7. АУЫЛДЫҢ ТАЗАЛЫҒЫ МЕН КӨРКЕЙТУ ЖҰМЫСТАРЫ
Қоқыс шығару мәселесін реттеу, арнайы қоқыс жәшіктерін орналастыру, көшелер мен қоғамдық орындарды тазалау жұмыстарын жүйелеу. Ағаш отырғызу, көгалдандыру және ауыл аумағын абаттандыру бастамаларын қолдау.
МЕНІҢ ҰСТАНЫМДАРЫМ
«Әр ауылдың үні – ауданның даму бағыты»
Депутаттық қызметті халықтың сеніміне негізделген жауапты міндет деп білемін. Сондықтан жұмысымда тұрғындардың мүддесін қорғауға, ауылдардағы өзекті мәселелерді мәслихат мінберінде көтеруге, олардың шешілуіне ықпал етуге және қабылданған шешімдердің орындалуын бақылауға басымдық беремін.
Сауран ауданының дамуы әрбір ауылдың тыныс-тіршілігімен, тұрғындардың әл-ауқатымен және әлеуметтік мәселелердің шешілуімен тікелей байланысты. Осы мақсатта жұмысымда бес негізгі бағытты басшылыққа аламын.
Әр ауылға – әділ даму, әр тұрғынға – қолайлы орта
Ауданның дамуы барлық елді мекенді қамтығанда ғана нәтижелі болады. Бір ауылда инфрақұрылым жақсарып жатқанда, екінші бір елді мекенде ауызсу, жол, электр энергиясы немесе газ мәселесінің шешімін күтіп тұруы – назар аударуды қажет ететін жағдай.
Әрбір тұрғынның мүддесін қорғау, ауылдың өзекті мәселелерін назарда ұстау және олардың шешілуіне ықпал ету – мен үшін маңызды міндет. Халықпен тұрақты байланыста болып, ұсыныс-пікірлеріңізді ескеруге, көтерілген мәселелерді тиісті орындарға жеткізіп, нәтижелі жұмыс атқаруға дайынмын. Ел сенімін ақтау – басты жауапкершілігім.
Құрметті жерлестер! Сайлауға белсенді қатысып, өз таңдауларыңызды жасаңыздар!
Әрбір дауыс – ауылымыздың болашағына қосылған үлес.
Туған ауылымыздың келешегі бүгінгі атқарылатын істерден басталады!