- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Skype
- Telegram
Міне, 2019 жыл да тарих қойнауындағы соңғы бетін жапқалы тұр. Жаңа жылдан жақсылық пен жаңашылдық күтетін халық үшін, өткен жыл да өзіндік жарқын сәттерімен есте қалды. Қаламыз күн санап өркендеп, бұрын-соңды болмаған алып ғимараттар ел игілігі үшін пайдалануға берілді. Алда, олардың саны толығып, қуанышымыз еселене түсетіні анық.
Дархан пейілді халқымыздың ұйымшылдығы Түркістанды әлі-ақ үлкен жетістіктерге жетелейтініне сенемін. 2020 жыл түркістандықтар үшін берекелі де жемісті жыл болары хақ. Жаңа жыл – жаңа бір дәуірдің жарқын сәті іспетті. Себебі, бұл отбасылық мерекені бүкіл халық күтеді. Әсіресе, кішкентайлар бар сән-салтанатымен, ерекше көңіл-күймен бастайды.
Ендеше, ескі жылға алғыс айтып, жаңа жылға тілек білдіретін сәтте барша түркістандықтардың отбасына қуаныш, бақыт, береке мен молшылық тілеймін!
Жаңа жыл – жаңа табыстарға жетелесін!
Жарқынбек ҚҰЛБАЙЫМБЕТОВ,
қалалық Ардагерлер кеңесінің төрағасы.