Құрметті жерлестер!
Алғыс айту күні – бұл жүректен шыққан шынайы ризашылықтың, татулық пен достықтың жарқын мерекесі. Бұл – ел бірлігінің, халықтар арасындағы өзара сыйластық пен құрметтің белгісі. Қазақстан – біз үшін тек тұрғылықты жер ғана емес, ол – біздің ортақ үйіміз. Бұл ел бізге бейбіт өмір сүруге, еркін дамуға мүмкіндік берді. Біз осы кеңпейілді қазақ халқына, осы мемлекеттің әрбір азаматына зор алғыс айтамыз.
Өткенге көз жүгіртсек, халқымыз көптеген тарихи қиындықтар мен өзгерістерді бастан кешірді. Бірақ осының барлығына қарамастан, бірлігіміз нығайып, достығымыз беки түсті. Қазақстан бүгінде татулық пен келісімнің, бір шаңырақ астында жарасымды өмір сүрудің жарқын үлгісін көрсетіп отыр. Біз – әртүрлі мәдениет пен дәстүрді бойына сіңірген сан алуан халықпыз. Бірақ бәрімізді біріктіретін ортақ құндылықтар бар: бейбітшілікке деген ұмтылыс, бір-бірімізге деген құрмет және Отанымызға деген сүйіспеншілік.
Бүгінде Қазақстанда әр ұлт өкілі өз мәдениетін сақтап, дамытып қана қоймай, ел дамуына үлес қосып келеді. Бұл – біздің ортақ жетістігіміз, ортақ мақтанышымыз! Қазақ жері бізге жай ғана мекен емес, ол – біздің тамырымыз жайылған құтты қонысымыз. Сондықтан біз осы бірлікті, татулықты бағалап, келер ұрпаққа аманат етуіміз керек.
Бүгінгі бейбіт күніміз – бірліктің, өзара түсіністіктің және ортақ еңбектің жемісі. Бұл татулықты сақтау – бәріміздің ортақ міндетіміз. Әрқайсымыз өз орнымызда адал қызмет етіп, қоғамға пайда келтірсек, еліміз одан әрі гүлдене түсетіні сөзсіз. Осы жарқын мерекеде баршаңызға зор денсаулық, бақ-береке, молшылық пен тыныштық тілейміз! Қазақстанымыз гүлдене берсін, халқымыздың достығы мен бірлігі мәңгілік болсын!
Ирина ЧЕГАНОВА,
Түркістан облыстық славян этно-мәдени
бірлестігінің төрағасының орынбасары.