Соңғы жылдардың атақты мамандығы жоба басқару- бүгінгі таңда жастар арасында ең сұранысқа ие мамандықтарының бірі болып табылады.
Бөлшек сауда және жабдықтау тізбегін басқару саласында 10 жылдан астам тәжірибесі бар Сымбат Жұмабек нәтижеге бағытталған кәсіби менеджер. Эксперттің мықты көшбасшылық қасиеттері мен халықаралық деңгейде түрлі функционалды командаларды басқару тәжірибесі бар. Тұтынушылардың қанағаттануын арттыру және тиімді ынтымақтастық орнату салаларында жоғары нәтижелер көрсеткен төрт тілді еркін меңгерген көптілді маманның айтуынша, бұл салада жақсы көрсеткіштер үшін жан жақты болу аса маңызды.
“Жоба жетекшісі әртүрлі салалардан хабардар болуы керек. Біздің қоғамда жастарды жан-жақты тәрбиелеу – ұлттық дәстүрдің ажырамас бөлігі болғандықтан, бұл салады біздің жастардың потенциалы өте жоғары” – дейді Сымбат.
Қазақ отбасылары балалардың мектепте жоғары жетістіктерге жетуімен қатар, күнделікті өмірде пайдалы дағдыларды меңгеруіне ерекше мән береді. Бала кезден бастап қазақстандықтар тамақ әзірлеу, үй шаруасын жүргізу, саяхаттау сияқты тұрмыстық істерді үйрену арқылы жауапкершілік пен икемділікті қалыптастырады. Бұдан бөлек, ата-аналардың балаларынан жоғары нәтижелер күтуі – білім мен тәрбиеге деген терең көзқарастың айқын көрінісі.
Сымбат Жұмабек өзінің кәсіби тәжірибесінде жан-жақты дамудың маңыздылығын дәлелдеп келеді.
“Бала кезімде түрлі үйірмелерге қатысып, әртүрлі дағдыларды меңгердім. Мысалы, жеті жыл қатысқан фортепиано сабақтары маған тәртіпке үйренуге, зейінімді шоғырландыруға және уақытты тиімді жоспарлауға көмектесті. Ал тұрмыстық істер ұйымдастырушылық қабілетімді дамытуға ықпал етті,” – деп бөліседі ол.
1993 жылдың тумасы Сымбат Жұмабек – тәуелсіздік кезеңінде қалыптасқан қазақстандық ұрпақтың айқын өкілі. Оның пікірінше, тәуелсіздіктің алғашқы жылдарындағы күрделі кезеңдер сол жылдары дүниеге келген ұрпақтың өмірлік төзімділігі мен бейімділігін арттырды. Бүгінгі таңда бұл ұрпақтың табандылығы мен жан-жақтылығы әлемдік аренада жоғары бағаланып отыр.
“Қазақстандық жастардың еңбекқорлығы мен тапқырлығы елді жаһандық деңгейде танытуға зор мүмкіндік береді,” – деп атап өтті ол.
Сымбат Жұмабек жастарға бос уақыттарын тиімді пайдалануға кеңес береді.
“Егер жастар бүгіннен бастап білімге, жаңа дағдыларды меңгеруге және өзін-өзі дамытуға уақыт бөлсе, болашақта үлкен жетістіктерге жетіп қана қоймай, Қазақстанның және бүкіл әлемнің дамуына өз үлесін қосады,” – дейді ол.
30 жасында Сымбат көптеген халықаралық жобаларды сәтті басқарып, өз тәжірибесімен елдің жаңа буынына үлгі бола білді. Оның пікірінше, жан-жақтылық – жай артықшылық қана емес, бұл бәсекеге қабілетті әрі табысты маман болудың негізгі шарты.
“Жаңа буынның жан-жақты дамуына мүмкіндік жасау – бұл ел болашағына салынған инвестиция. Қазақстанның жастары – біздің ең үлкен байлығымыз. Олар өз әлеуетін толық іске асыру арқылы елімізді жаһандық деңгейде таныта алады,” – дейді Сымбат Жұмабек.
Бұл мақаланы оқи отырып, әрбір жас қазақстандық өз болашағына жауапкершілікпен қарап, еліміздің дамуына үлес қосуға ұмтылуы тиіс екенін түсінеді. Сымбат Жұмабектің өмір жолы мен жетістіктері – осының айқын үлгісі.