Түркістан облыстық қоғамдық даму басқармасы «Қоғамдық келісім» КММ-нің ұйымдастыруымен Кентау қаласы мен Сауран ауданында БАҚ өкілдеріне арналған баспасөз туры өтті. Кентау қаласында ұйымдастырылған баспасөз туры аясында өңірдегі бірқатар бұқаралық ақпарат құралының өкілдері Қарнақ ауылының тұрғыны Файзулла Мырзахметовтің шаңырағына барып, көне көз қарияның үйінен ашылған мұражаймен танысты. Негізінен, Қарнақ ауылын өзбек этносының өкілдері мекендейді. Бұл маңай ауыл шаруашылығымен айналысуға қолайлы, ауыл тұрғындары еңбекке етене жақын.
Файзулла Мырзахметов Кентау қалалық ҚХА жанынан құрылған Ақсақалдар кеңесінің мүшесі, «Қарнақ ауылдық өзбек этномәдени» қоғамдық бірлестігінің мүшесі. Ол Түркістан облысы Кентау қаласы, Қарнақ ауылында 1954 жылы 15 ақпанда дүниеге келген. 1969 жылы орта мектепті бітіріп Ташкент қаласындағы мәдени ағарту техникумына түстіп, оқуды бітіріп, владивасток қаласында әскери борышын өтеген. Ауылдан шыққан шебер музыканттар ойнаған аспаптарды жинақтап, өз үйінен шағын мұражай ұйымдастырған. Мұражайдан түрлі аспаптарды көріп қана қоймай, ол аспаптарда кімнің қашан ойнағанын да білуге болады.
Ол Қарнақ ауылындағы Қашқари, Қарнақ, Шаш-Төбе, Ахын тума мектептеріне өзі жинаған 800 кітапты сыйлық ретінде сыйға тартқан. Диханшылықпен айналысып, түрлі жемістік көшеттерден өзі өндіріп ауыл тұрғындарына таратып жүреді. Ауылға сыйлы Файзулла ақсақал 3 қыз бен 2 ұлдан 16 немере, 2 шөбере сүйіп, жақсы тәрбие беріп отырған бақытты жан.
Өнерлі ақсақал көптеген байқауларға қатысып, жүлделі орындарды иеленіп, бағалы сыйлықтармен марапатталды. Ерен еңбектері үшін көптеген медальдармен марапатталған. Түркістан облысы мәдениет басқармасы тарапынан «Офарин-20 жыл», «Қоғам белсендісі» «Тәуелсіздікке 25 жыл», «Ынтымақ», «Түркістан қаласының құрметті азаматы», «Ұлы Жеңістің 70 жылдығы», «Облыстық өзбек мәдени орталығының 25 жылдығы», «Ерен еңбегі үшін», «Қарнақ 2000 жыл» секілді өзге де марапаттардың иесі. Сондай-ақ, 2017 жылы Түркиядағы «Gaz Universitesi» профессоры, әйгілі түрколог ғалым Зәкір Авзар Университет медалі салтанатты түрде табыс етілді.
Азамат ӘЛІБЕК,
Суреттерді түсірген:
Ердәулет САҒЫНДЫҚ.