ҰЛТТЫҚ ҚҰНДЫЛЫҚТАР – РУХАНИ МҰРА

1  684 көрілім

Бүгін «Ұлы даланың жеті қыры» «Қазақтану» жобасы шеңберіндегі қоғамдық келісім мен жалпыұлттық бірліктің қазақстандық үлгісін насихаттауға арналған республикалық лекторийдің алғашқы күні. 3-5 қыркүйек аралығында жалғасатын үгіт-насихат шаралары жайында облыстық Қазақстан халқы Ассамблеясы төрағасының-хатшылық меңгерушісі Ғ. Рысбеков пен Қ.А.Ясауи атындағы ХҚТУ-дің ректоры Б. Абдрасилов пікір білдіріп, ұлттық құндылықтарды дәріптеудің маңыздылығы туралы әңгіме өрбітті.

Негізгі мақсат – қазақ халқының салт-дәстүрін, мәдениеті мен әдебиеті, философиясы туралы этностардың ақпараттану деңгейін арттыру. Жалпыұлттық бірлік пен қоғамдық келісімнің нұсқасын қалыптастыру.
«Өңірлерде Елбасы Н. Назарбаев пен Мемлекет басшысы Қ. Тоқаевтың бағдарламалық құжаттарындағы этносаралық қатынастарды талдау бағытында жұмыстар атқарылуда. Ұлттық құндылықтарды дәріптеу, қоғамдық сананың жаңғыруына үлес қосу – рухани мұра мәртебесін биіктетеді. Елімізде жыл саңына дейін қосымша 3 лекторий ұйымдастырылады. Тарқатып айтсақ, Түркістан облысынан кейін 6-9 қыркүйек Павлодар облысында, қазан айында БҚО-да , қараша айында Қарағанды облысында өткізілмек», – деді ҚР Президентінің жанындағы «Қоғамдық келісім» РММ директоры С. Мажитов.

Халықаралық деңгейдегі қазақ-түрік университетінде бастау алған лекторий Түркістандағы үшбірдей, Кентау қаласындағы екі орта арнаулы оқу орындарында жалғасады. Жоспарға сай ертеңгі күні Сарыағаш, Жетісай, Мақтаарал аудандарында «Қазақтану» жобасы бойынша лекциялар циклі қорытындыланады.

Нұртас КЕҢЕСБЕКОВ,

«Түркістан».