Қаламыздағы «Гүлдер саябағында» қалалық мәдениет үйінің ұйымдастыруымен «Шуағын шашқан Түркістан» демалыс концерті өтті. Ашық аспан астында өткен демалыс кешіне қала тұрғындары мен қонақтары қатысты.
Көрермендерге көтеріңкі көңіл-күй сыйлаған концертте Түркістанға, туған жерге арналған «Мәңгілік ел», «Бабалар рухы», «Қазақтай ел қайда» және «Түркістан» атты әндер шырқалды. Іс-шара барысында алаңға жиналған өнерлі тұрғындар да әндер орындап, би биледі.
Кеш соңында жиналған қауым киелі шаһардың аспанын әнге бөлеген мәдениет үйінің қызметкерлеріне алғысын білдірді.
Дәурен ТІЛЕУХАН.