Төлеби ауданында «Бір алқаптан 2-3 өнім алу» жобасы тиімді жүзеге асырылып келеді. Бұл жобаны орындау барысында 2021 жылы 170 жоба белгіленіп, 50 гектардан астам жерде жұмыстар жүргізілген.
Диқандар бірінші айналымда 733 тонна өнім, екінші айналымда 808 тонна өнім жинаған. Сонымен қатар, егін алқабына қияр, қызанақ, картоп, сарымсақ көкөністері егілген. Жыл санап егін шаруашылығымен айналысамын деген шаруалар көбейіп келеді. Ағымдағы жылы ауданда 170 жоба жүзеге асырылады деп жоспарлануда.