7 ақпан күні Түркістан облысы ТЖД кезекші-диспетчерлік қызметіне Егізқара ауылынан Ынталы ауылына қарай жол тартқан 5 адамның жоғалып кеткендігі жайында хабарлама түскен.
Бұл туралы Түркістан облысы ТЖД баспасөз қызметі хабарлады.
Іздестіру-құтқару жұмыстарына Түркістан облысы ТЖД (9 қызметкер мен 1 бірлік техника, жергілікті атқарушы органан 2 қызметкер) жұмылдырылған. Құтқарушылар жоғалып кеткен тұрғындарды оқиға орнынан 15 шақырым жердегі Егізқара ауылынан тапқан. Олар ауа райының қолайсыздығынан қар құрсауында қалып қойған. Табылған адамдар медициналық көмекке қажет емес деп танылған.