Мемлекет басшысы Қасым-Жомарт Тоқаев халыққа арнаған Жолдауында қазіргі жағдайда халықтың жұмыспен қамтылуы мен табысын сақтау қажеттілігі туралы айтылған. Оған қоса, “Кәсіпкерлікті дамытудың 2021-2025 жылдарға арналған ұлттық жобасы” мемлекеттік бағдарламасына сәйкес, халықты жұмыспен қамту жұмыстары жүргізілуде. Осыған орай, бүгін COVID-19 пандемиясы мен карантиндік шектеу шараларын қатаң сақтай отырып, Сайрам ауданы әкімдігінің халықты жұмыспен қамту орталығында жалпы жұмыссыздарға және “Мүмкіндігі шектеулі азаматтарға” арналған “Бос жұмыс орындары” жәрмеңкесі өтті. Ұйымдастырылған жәрмеңкеге аудандық прокуратура қызметкерлері, мемлекеттік сот орындаушымен (жеке), аудандық пробация қызметкерлері және ауылдық округтегі жауапты әлеуметтік мамандар қатысып, бос жұмыс орындары жайында ақпараттармен танысты.
Өткізілген іс-шараның негізгі мақсаты – аудан тұрғындары арасында жұмыссыздықты азайту, керісінше жұмыспен қамту, халықтың сапалы өмір сүруіне жағдай жасау. Аудан аумағында орналасқан 158 кәсіпорын мен мекемеден бірнеше мамандық бойынша 755 бос жұмыс орындары ұсынылды. Жәрмеңке барысында жұмыс берушілер өздеріне қажетті мамандарды таңдауға, ал, жұмыс іздеп келген азаматтар мамандықтары бойынша жұмысқа орналасу мүмкіндіктері болды. Өткен іс-шараның нәтижесінде келушілердің құжаттары қабылданып:
– жастар практикасына – 500;
– әлеуметтік жұмыс орындарына – 266;
– ақылы қоғамдық жұмыс орындарына – 200 адам 01.02.2022 жылы жұмысқа жолдау жоспарланса,
ал, ағымдағы жылы:
– қысқа мерзімді кәсіптік оқыту (жұмыс орнында оқыту) – 227;
– алғашқы жұмыс орнына – 30;
– ұрпақтар келісім шарты – 5;
– күміс жас – 60;
– Бастау-бизнес жобасы арқылы кәсіпкерлік негізде оқытуға – 320;
– Мемлекеттік қайтарымсыз грант алуға үміткер – 214 жұмыссыз азаматтар бағдарламамен қамтылатын болды. Сонымен қатар, жәрмеңкеге мүмкіндігі шектеулі азаматтар мен бас бостандығынан айыру мекемесінен босаған адамдар да бағдарламаға тартылды.