ТҮРКІСТАН ОБЛЫСЫНДА 135 000-ҒА ЖУЫҚ ЖАСӨСПІРІМ ВАКЦИНА АЛДЫ

Облыста 12 жастан бастап тұрғындарды коронавирустық инфекциядан вакцинациялау жұмыстары жалғасуда. 31 қаңтарда Comirnaty (Pfizer) вакцинаның бірінші дозасын алған жасөспірімдер саны 134 098-ге жетті, бұл вакцинациялануға жататын жасөспірімдердің 71,6 % құрайды, екінші компонентті – 63 910 жасөспірім салдырды, – деп хабарлайды Түркістан облысының СЭБД баспасөз қызметі.
Облыста жүкті және бала емізетін әйелдер арасында вакцинация жұмыстары жүргізілуде. Бүгінгі таңда Comirnaty (Pfizer) вакцинасының 1-ші компонентін салдырғандар саны жалпы 150 907-ні құрады.
Сонымен қатар, 155 711 адам ревакцинациланды. Қазіргі уақытта облыс тұрғындары Гам-КОВИД-ВАК (Спутник V), «Sinopharm» «Спутник лайт» вирусқа қарсы вакцинацияларын таңдай алады. Ал, жасөспірімдерге, жүкті, бала емізетін әйелдерге, 60 жастан асқан адамдарға және медицина қызметкерлеріне арналған Comirnaty (Pfizer) вакциналары қолжетімді.