Кеше қала әкімі Н.Тұрашбеков шаһардағы кәріз жүйесі құрылысы жұмысының барысын аралап көрді. «Түркістан-Кентау» бағытындағы көшелердің екі жақ бетінде алғашқы құрылысы былтыр басталған. Жыл соңына дейін жоспарлы жұмыстардың бірқатары аяқталады деп күтілуде. Мұнда атқарылар жұмыстардың нәтижесінде 14000-ға жуық абонент кәріз жүйесімен қамтылатын болмақ.
Бұдан бөлек, қала әкімінің тапсырмасына сәйкес, әкімнің орынбасары Мұрат Базарқұлов пен кеңесшісі Аңсарбек Әбдікұлов бастаған жұмысшы топ кәсіпкерлік нысандарын аралап, карантин талаптарының сақталуына мониторинг жүргізді. Сонымен қатар, қоғамдық орындарда жұмыс істейтін азаматтармен кездесіп, вакцина салдырудың маңыздылығын түсіндірді.
«Covid – 19» жұқпасы кей азаматтарда симптомсыз өтетінін ескерсек, ондай адамдардың жұқпа тасымалдаушы ретінде қоғамға қауіпті екенін де атап өткеніміз жөн. Алайда, ондай адамды танып білу мүмкін емес. Сондықтан, қоғамдық иммунитет қалыптастырып, аурудан сақтанудың сенімді жолы ол – екпе алу екенін естен шығармаған жөн.