Туркистонлик тадбиркор Нурсултан Жусипбаев бир неча йилдан буён лимон етиштириш билан шуғулланади. 1 гектар ҳудудда жойлашган лимон боғида 2200 туп лимон кўчати экилган. Тадбиркор ўтган йили иссиқхонадан 4 тонна ҳосил олинган. Режа бўйича жорий йили 12 тоннага етказиш кўзланган. Лимон боғида 30 га яқин боғбон меҳнат қилади.
– “Лимонга алоҳида парвариш қилинса бир тупи 150-200 кг.гача ҳосил беради. 1 кг лимоннинг улгуржи баҳоси 1000 тенгегача баҳоланади. Бу 3-4 йилнинг ҳаражатини ўтайди. Лимон асосан ўзимизнинг ички бозоримизда сотилади”,-дейди “Иасси” консорциумининг раҳбари Нурсултан Умбетули.
Туркистон вилоят тадбиркорлар палатасининг директори Тимур Нақипбековнинг таъкидлашича, мазкур бизнеснинг самарадорлиги юқори. Бугунда кўп меҳнат, ихлос ва иштиёқни талаб этадиган касб турига қизиқувчанлик ортгани билан кутиб-парваришлаш ишида тажрибали мутахассислар етишмайди. Минтақада лимон етиштириш билан шуғулланадиган тадбиркорлар ва зарур ишчиларни тажрибадан ўтказиш йўналишида тегишли тадбирлар қўлга олинади. Бу борада тажрибали мутахассислар тайёрлаш учун “Атамекен” тадбиркорлар палатасининг вилоят филиали ва “Иасси” консорциуми махсус ўқитиш курсларини ташкил этади.
Туркистон вилоятининг Минтақавий коммуникациялар хизмати.