“Түркістан” газетасининг илк сони чиқа бошлаганига жорий йили 90 йил тўлди. 1930 йилнинг 4 октябрида “Қызыл Түркістан” номи билан чиққан газета замона оқими билан бир вақтлари “Коммунистік еңбек” деб ўзгариб, ҳозир “Түркістан” номи билан муштарийларнинг севимли нашрига айланди. 90 йил давомида газета шаҳарнинг юксалиш даврларидаги буюк ишларни, янгиликларни муштарийларга бохабар этди.
Кеча таҳририят жамоасини 90 йиллик таваллуд тўйи билан табриклаш учун Қозоғистон Мусулмонлари Диний бошқармасининг Туркистон вилояти бўйича вакил имоми ва “Туркистон-Хўжа Аҳмад Яссавий” масжидининг бош имоми Мусабек Ақтамберди таҳририятга ташриф буюрди.
– “Байрам арафасида “Түркістан”, “Туркистон” газеталари жамоасига, барча журналистлар аҳлига ижодий баркамоллик, ишларига омад, юртимиз равнақи йўлида сидқидилдан меҳнат қилаверингизлар”,-деди самимий ниятида вилоятнинг бош имоми.