Жаҳонни қамраб олган пандемияга боғлиқ масофадан ўқитиладиган ўқувчиларни техник алоқа воситалар билан таъминлаш мақсадида маҳаллий ва республика бюджетларидан компьютерлар билан планшетлар сотиб олиниб, ўқувчиларга берилаётгани ҳақида илгари ҳам бир неча марта эълон қилгандик. Шаҳримизга шундай ускуналарнинг яна бир қисми келиб мактабларга тарқатилди.
Вилоят инсоний салоҳиятни ривожлантириш бошқармаси томонидан тегишли тоифадаги ўқувчиларни компьютер техникалари билан таъминлашга қаратилган «Бир оилага – бир компьютер техника» дастури доирасида сотиб олинган компьютер янги имкониятларга эга. Қўлланишга зарур барча жиҳозлари бор компьютерлар қўшимча икки ойга етадиган тариф режалари, wi-fi роутер билан, наушник, веб камера билан таъминланган. Шунингдек, янги қурилмаларнинг хусусияти ўрнатилган махсус дастур компьютернинг қаерда ва қандай фойдаланаётганини назорат қила олади. Техник қурилмаларнинг хусусиятларини махсус тузилган комиссия аъзолари билан мактаб вакилларига Туркистон шаҳар инсоний салоҳиятни ривожлантириш бўлими услубиятчиси Талғат Шегенбаев тушунтирди. Мактабларга етказилган компьютерлар дастурларни жорий этиб бўлгандан кейин ўқувчиларга етказилади. Таъкидлаш жоиз, вилоят инсоний салоҳиятни ривожлантириш бошқармаси томонидан жами 566 компьютер мактабларга етказилди. Яқин келажакда бошқарма томонидан яна 4 мингдан зиёд ноутбуклар ўқувчиларга етказилади деб кутилмоқда.