Қозоғистон Президенти Қасим-Жўмарт Тўқаев коронавирус пандемиясининг иккинчи тўлқинига тайёргарлик бўйича йиғилишда маъруза қилди.
Давлат раҳбари пандемиянинг иккинчи тўлқинига пухта тайёргарлик кўриш лозимлигини таъкидлар экан, давлат-бошқарув органларига чегара-ўтказиш пунктларидаги назоратни кучайтириш; коммунал хизматлар фаолияти узлуксизлигини таъминлаш; озиқ-овқат хавфсизлигини таъминлаш; ветеринар хизматларни янада ривожлантириш; мамлакатнинг иқтисодий ва молиявий барқарорлигини таъминлаш бўйича қатор аниқ вазифалар юклади.
Тўқаев барча молиявий ва инфратузилмавий ресурсларни жалб қилишни, ортиқча ҳаражатлардан воз кечишга ва бу пулларни эпидемияга қарши курашга йўналтиришга чақирди, шунингдек пандемиянинг иккинчи тўлқинига тайёргарлик кўриш мақсадида юқимли касалликлар койкалари сонини ошириш зарурлигини таъкидлади. Минтақаларга мавжуд заҳиралардан фойдаланиш, жумладан хусусий ва муассасалараро тиббиётдан фойдаланиш топширилди.
Қозоғистон Президенти ҳукуматга мурожаат қилар экан узоқ муддатли коронавирус пандемиясига тайёргарлик кўришга чақирди.
– Элимизда жаҳонга таҳдид солаётган пандемияга қарши кураш ҳали давом этмоқда, – деди Президент. – Санитариявий аҳвол мураккаблашиб бормоқда. Бу коронавирус иллати яна кучаяди, деган сўз. Биз бунга тайёр туришимиз керак. Иллатга қарши кураш учун барча чораларни қабул қилдик. Энг муҳими, тажрибага эгамиз. Бу даврда соғликни сақлаш соҳасини мустаҳкамлаш учун кенг қамровли ишлар амалга оширилди.
Фуқароларнинг ҳаёти ва соғлигини ҳимоя қилиш учун миллий режа амалга оширилмоқда. Минтақаларнинг тайёргарлигини кўрсатадиган индикаторлар тизими ишга қўшилди.
Маърузанинг тўлиқ матни билан akorda.kz сайтида танишишингиз мумкин.