Туркистон вилояти Келес тумани деҳқонлари “ҚазАгроҚаржы” ҲЖ ёрдами билан қишлоқ хўжалиги соҳаси техникаларини олишга эришмоқда. Шулардан бири Қўчқорота қишлоқ округида жойлашган “Жана Қонис” МЧБ. 2016 йили пойдевори қаланган шерикчилик лизинг орқали 2 трактор кўлигини агрегатлари билан олган. “2020 йили Қозоғистонда йиғилган “LOVOL – 904” техникаларини олдик. Ҳар қайсиси 10 млн. тенгега тенг. “ҚазАгроҚаржы” ташкилоти ёрдами билан лизинг бўйича олинган тракторларнинг 15 фоизини ўзимиз тўладик, қолган 85 фоизини “ҚазАгроҚаржы” тўлаб берди. Энди 7 йил ичида насиямизни тўлаб қутуламиз деган режамиз бор. Умуман бизнинг идорада 7 техника, 10 фуқаро мунтазам ишлайди. Шунингдек, 750 гектар яйлов, 129 га экинзор еримиз бор”,-дейди шерикчилик директори Қурманғали Туримбетов.
Умуман Келес тумани ҳудудида шу кунга қадар – 1098 қишлоқ хўжалиги техникаси рўйхатга олинган. 2018 йилдан буён 45 техника янгиланиб, ундан 9 таси 2018 йили олинса, 24 таси 2019 йили келтирилди. Жорий йили 12 қишлоқ хўжалиги техникаси сотиб олинди. Шу йили олинган техникаларнинг бештаси “ҚазАгроҚаржы” ҲЖ компанияси орқали лизингга олинган. Яна уч техникага лизинг шартномаси тузилган ва ноябрь ойигача эга бўлиш кутилмоқда. Етти техника қишлоқ хўжалиги маҳсулотини етиштирувчилар томонидан ўз ҳаражати ҳисобидан олинган. 2020 йили октябрь ойигача олинган янги техникаларнинг умумий қиймати 101 млн. тенгени ташкил этади.
Туркистон вилоят Минтақавий коммуникациялар хизмати.