Элбоши “Туркистан-Арена” стадионига бориб, кейин “Конгресс Холл” кўпфункционалли концерт залида бўлди. Нурсултан Абишули концертлар, театрлаштирилган томошалар ва бошқа ҳам тадбирлар ўтказишга мўлжалланган кўпфункционалли маданий иншоот билан танишди.
Шаҳар миқёсида жаҳон бўйича кенг тарқаган спорт тури – футболни ривожлантириш мақсадида УЕФА-нинг халқаро талабига мос 7000 томошабинга мўлжалланган стадион солинган эди. 2 спорт зал, жаҳон талабига жавоб берадиган табиий футбол майдони, маъмурий хоналар мавжуд бўлган спорт мажмуаси фойдаланишга бериладиган кун ҳам олис эмас. Янги стадионда вилоят жамоасининг ўқув-машғулот йиғинлари ва вилоят, республика ҳамда халқаро мусобақалар ўтади.
Туркистондаги стадионнинг қурилишига «Asia Sport Construction» қурилиш компанияси масъул этиб тасдиқланган. Стадион УЕФА тасдиқлаган талабларга мос солиниб, арена қурилиши якунлангандан кейин “УЕФА-3” сертификатига эга бўлади. Бу – стадион халқаро даражадаги нуфузли футбол ўйинларини қабуллай олади деган сўз. Унга УЕФА чемпионлар лигаси, Европа лигаси сингари йирик мусобақалар ва миллий терма жамоаларнинг ўйинлари ҳам киради. Демак, туркистонлик футбол ишқибозлари энди халқаро даражадаги ўйинларни ўз шаҳридан томоша қилиш имкониятига эга бўлади.
Стадион 7 минг кишига мўлжалланган. Томошабинлар ноқулай об-ҳавода ҳам стадионда бемалол ўтира олади. Мухлисларга мўлжалланган секторлар тўлиқ ёпилган. Стадионнинг умумий ҳажми 36500 квадрат метрни ташкил этади. Унинг 15000 квадрат метр ҳудудида футбол майдони, машғулот ўрни, югуриш йўлаклари жойлашган. Стадионнинг асосий секторида кийим алмаштириш хонасидан ташқари машғулот зали, конференция маркази, ОАВ вакиллари ҳамда ҳурматли меҳмонлар учун хоналар жойлашган.
Таъкидлаш жоиз, Туркистон шаҳрида ҳозирча футбол жамоаси йўқ. Сўнгги марта эл чемпионатида ўйнаган Туркистоннинг “Ясси” футбол жамоаси бўлган. У 2005 йили ёпилган. Шундан буён маънавий шаҳарнинг шаънини ҳимоя қиладиган жамоа ҳали ташкил этилмаган. Лекин, вилоят спорт мутахассисларининг таъкидлашича, яқин кунлари “Туран” клуби ташкил этилади. Унда фақат қозоғистонлик футболчилар ўйнайди. Маҳаллий футболчилардан иборат жамоа суперлига жамоалари билан рақобатлаша оладигандек этиб ташкил этилади.
Туркистон-ахборот.