Нурсултан Назарбаев Туркистонга келди. Элбоши Туркистон шаҳридаги Халқаро аэропортнинг очилиш тантанасига иштирок этди. Шаҳардан 20 км узоқликда жойлашган аэропорт халқаро технологиялар асосида замонавий технологиялардан фойдаланган ҳолда қурилган.
Қозоғистоннинг Тўнғич Президентининг тарихий аҳамиятга молик қарори шаҳар ривожланишига янги туртк берди. Ташриф давомида шаҳардаги бир қатор янги иншоотларга ташриф буюриш режалаштирилган. Бу ҳақда Қозоғистон Республикасининг Тўнғич Президенти – Элбошининг Матбуот котиби Айдўс Укибай Twitter саҳифасида эълон қилди.
Таъкидлаш жоиз, Туркистонда солинаётган «Hazret Sultan» аэропорти Гиннеслар китобига киритилиши мумкин. Бу ҳақда Туркистон вилояти ҳокимининг ўринбосари Сакен Қалқаманов ўзининг facebook саҳифасида эълон қилган эди. У ўз сўзида: “Сармоядор аэропорт қурилишининг жаҳонда тез солинган иншоот сифатида Гиннеснинг рекордлар китобига киритиш тўғрисида илтимос билан чиқмоқчи. Иншоот жуда тез вақт ичида солинаётгани билан, Hazret Sultan Airport (HSA) қурилиши сифатли олиб борилмоқда. Яқинда қурилиш бориши билан пойтахтдан келган делегация танишиб қайтди. Меҳмонларга узунлиги уч км.дан зиёд, икки км.дан ортиқроқ учиш ва қўниш йўлаги кўрсатилди. Аэропорт қурилишини солувчилар бу жойда катта самолётларнинг ўзи юмшоқ қўнади деб ваъда беришмоқда.
Аэропорт қурилишига 341 ишчи ва 106 техника сафарбар этилган. Халқаро аэропорт терминалининг йўловчиларни ўтказиш имконияти – соатига 450 йўловчи, ҳудуди 10,5 минг квадрат метр, учиш ва қўниш йўлагининг параметри 3300х45 метр бўлади. Шунингдек, учиш ва қўниш йўлаги ва перроннинг 2 қават шағал-тош аралашмаси ва бошқариш йўлининг 1 қават шағал-тоши тўшалган.
Туркистон-ахборот.