ҚР Уюшган жиноятчиликка қарши иш-ҳаракат агентлигининг Туркистон вилояти бўйича Департаменти билан “Сифатли йўл” лойиҳаси доирасида Сайрам туманидаги бюджет маблағи ҳисобидан солинган туман ички йўлларнинг сифатига мажмуавий мониторинг ишлари юритилди. Жамоат назорат ишларининг асосий мақсади – автокўлик йўлларининг сифати ва хавфсизлигини таъминлаш ҳамда бюджет ҳаражатининг мақсадли сарфланишини назорат қилиш, тўшалган йўллар сифатига жамоат назоратни ва мардикор идоранинг масъулиятини кучайтириш.
Йўлларнинг сифатини текшириш ишларига ҚР Уюшган жиноятчиликка қарши иш-ҳаракат агентлигининг Туркистон вилояти бўйича Департаменти раҳбарининг биринчи ўринбосари Мирас Қарғабай, Сайрам тумани ҳокими девони раҳбари Берик Турғинбеков, туман ҳокимининг маслаҳатчиси Бахт Хасанов, вилоят “Миллий йўл активлари сифати марказининг” мутахассислари ва масъул мардикор компаниянинг раҳбарлари ҳамда қишлоқ турғунлари ва ОАВ вакиллари иштирок этди.
Мажмуавий мониторинг ишлари давомида Жибек жўли қишлоғида жойлашган Рисқулов ва Манкент қишлоғига қарашли А.Абдикадиров кўчаларининг асфальт бетон сифати кўчма йўл лаборатория кўлиги орқали текширилиб, натижада тўшалган йўлларнинг баъзи жойлари смета ҳужжатга мос келмаслигини аниқланди.
Янги солинган йўллардан бир қатор нуқсонларни аниқлаган соҳа мутахассислари ушбу камчиликлар бўйича мардикор идораларга акт тузиб, компания раҳбарларига такрор янгидан таъмирлашдан ўтказиш бўйича таклиф билдирди. Эслатиб ўтсак, келажакда Туркистон вилоятига қарашли барча туман/шаҳарларнинг йўлларига мониторинг ишлари мунтазам равишда олиб борилади.