- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Skype
- Telegram
Туркистон вилоятида карантин режими енгиллаштирилди. Элдаги эпидемиологик шароит барқарорлашгунча узайтирилган карантин тартиби бугундан бошлаб кучга кирди. Вилоятда коронавирус инфекциясининг бир кунлик ўсиши 0,8 фоизни ташкил этиб, умуман вазиятнинг барқарорлашганини кўрсатмоқда. Чунончи, карантин талаблари ҳали ҳам сақланади. Бу ҳақда вилоят ҳокими Ўмирзақ Шўкеев навбатдаги ҳафталик мажлисда таъкидлади.
“Карантиннинг енгиллашиши –бамайлихотирлик дегани эмас. Аксинча, вазиятнинг нечоғли мураккаб эканлигини тушунадиган пайт келди. Руҳиятимиз ўзгариши керак. Кераги йўқ маъракалар тўлиқ тўхтатилиши зарур. Карантинда тўй қилиб, тўйга борганлар жавобгарчиликка тортилади. Ўзгаларнинг ҳаётига хавф туғдириш – жиноий иш эканлигини тушуниш зарур. Вилоят ҳудудида ниқобли режим қатъий сақланиб, мобилли гуруҳларнинг рейд текшириши тизимли равишда олиб борилсин. Ҳар ким ўзи намуна бўлмаса, бўлмайди. Ҳар бир шаҳар, туман ҳокимлари билан бошқарма раҳбарлари бу ишга бевосита масъул эканлигини огоҳлантираман”,- деди Ўмирзақ Естайули.
Вилоятнинг Бош давлат санитария шифокорининг қарорига мувофиқ, кучайтирилган чеклов тадбирлари дам олиш кунлари кучга киради. Ўйин-кулгу, оилавий тадбирлар ва одамлар кўп тўпланадиган ўзга тадбирларни ўтказишга чеклов қўйилган. Ёпиқ ва очиқ озиқ-овқат бозорлари дам олиш кунлари ёпилади. Фақат иш кунлари соат 19.00 га қадар хизмат кўрсатади. Дам олиш кунлари савдо уйлари ҳам ёпиқ бўлади. Мактабгача бўлган болалар муассасаларининг навбатчи гуруҳларида бола сони 15 одамдан ортиқ бўлмаслиги даркор. Гўзаллик салонлари иши шанба, якшанба ёпилиб, қолган кунлари иш вақти 18.00 га қадар чекланган. Ҳаммомлар фақат иш кунлари 21.00 га қадар очилади.
Туркистон вилояти ҳокимининг матбуот хизмати.