Х.А.Яссавий номидаги ХҚТУ-да ўтган «Тоза сессия» акцияси талабалар билан ўқитувчилар ўртасида ҳалоллик қадриятини кенг тарғиб қилишни кўзлайди. Асосий мақсади – имтиҳоннинг ошкоралигини таъминлаш ва таълим тизимида уюшган жиноятчиликка йўл қўймаслик, олдини олиш. Шу мақсаддаги тадбир университет жамоаси билан ҚР Уюшган жиноятчиликка қарши ҳаракат агентлиги Туркистон вилояти бўйича департамент ташкилотчилигида ўтди.
Акцияга қозоқ-турк университетининг ижтимоий қўллов ва тарбия бўйича вице-президенти Амреқул Абуов, «Маънавий янгиланиш» ва тарбия департаменти директори Лаззат Динашева, академия масалалари бўйича департамент директори Талғат Ниязов ҳамда ҚР Уюшган жиноятчиликка қарши ҳаракат агентлиги Туркистон вилояти бўйича департаменти раҳбарининг биринчи ўринбосари Мирас Қарғабай, шунингдек «Туркистон – ҳалоллик майдони» лойиҳа идораси менеджери Ерлан Тунғишбаев, «Jas Otan» ёшлар қаноти вакиллари иштирок этди.
Учрашувда тадбир иштирокчилари университетда қўйилган ишонч қутичаларини очиб, махсус вазият ва талабаларга хизмат кўрсатиш маркази билан имтиҳон саволларини ўлчаш ҳамда баҳолаш бўлими, масофадан ўқитиш бўйича қурилган Call алоқа марказининг иши билан танишди.
Сўнгра ўқув даргоҳининг академик масалалари бўйича департамент директори Талғат Ниязов барча онлайн имтиҳонларни moodle (dot.ayu.edu.kz) платформасида ҳамда Zoom, Webex Meetings, Microsoft Teams қўшимчалари орқали ўтаётганлигини ҳамда видео назорат орқали текширилиб, сессиянинг ўтиш боришига прокторинг ясайдиган махсус ишчи гуруҳи тузилганлигини айтди. Шунингдек, фаросатлилик маркази билан махсус тасдиқланган мутахассислар онлайн имтиҳондан ўтиш боришини назорат қилиб борадиганлиги таъкидланди.
«Туркистон-ахборот».