Туркистон шаҳрига Ўзбекистон Республикасининг Президенти Ш. Мирзиёевнинг топшириғи доирасида учта юк машинасида гуманитар ёрдам келди.
Карвонни қарши олган Туркистон вилояти ҳокимининг ўринбосари С. Қалқаманов минтақа аҳли номидан унга миннатдорчилик билдирди. Махсус тадбирда иштирок этган Ўзбекистоннинг Қозоғистондаги Фавқулодда ва мухтор элчиси С. Ниёзхўжаев синовли дамларда қардош халқлар бир-бирига қўллов кўрсатиши кераклигини айтди.
Қўшни мамлакатдан 150 мингта тиббий ниқоб, 2500 муҳофаза либоси, 150 мингта тиббий қўлқоп, 1000та термометр ва 440та каравот келган.
Ушбу ашёлар эндиликда вилоятнинг барча тиббиёт муассасаларига тарқатилади.
“Туркистон-ахборот”.