БОБОЛАР ОМОНАТИНИ ОРҚАЛАГАН ФАХРИЙ

685 көрілім

Қаҳрамонлик мадҳияси боболардан бизга омонат қолган эзгулик. Бу оддий шиор эмас. Оғзаки айтилиб, ўнг қулоқдан кириб чап қулоқдан чиқадиган қиммати йўқ неъмат ҳам эмас. У намунанинг энг баланд чўққиси. Шунинг учун элбошига кун туққанда қон кечадиган жанговар руҳ авлоддан авлодга ўтиб келади. Бундан 75 йил аввал оталаримиз ҳаётини гаровга қўйиб, боболар омонати бўлган қаҳрамонлик намунасини кўрсатган. Бу –  қонли тарихга айланган Улуғ Ватан уруши.

   Бугун биз ҳикоя қилаётган қаҳрамонимиз урушнинг олдинги қаторида бўлиб қаҳрамонлик намунасини кўрсатган фахрийларимизнинг бири. «Ўз халқини ҳурматлаб суймаган одам –  вафосиз, танбал одам»  деган Бауржан Мўмиш-улининг қатъий қоидасини бўйтумор қилган, Ватан учун ўз жонини гаровга қўйиб ажал билан олишган киши. У кўҳна шаҳардаги Турманов кўчаси №35 уйда яшовчи Неъмат Абдирасилов оқсоқол.

   Ҳар банданинг ҳаёт йўли сон-алвон синовларга тўлиқ эканлиги маълум. 1922 йили туғилган Неъмат отанинг беғубор болалик чоғи осон кечмаган. Она меҳри, отанинг ҳароратли кифти файзи узоққа чўзилмади. Олти ёшида етим қолиб интернатда тарбияланган.

   Уруш бошланган пайтда 20 ёшида фронтга отланган. Биринчи Украина, биринчи Белорус фронтларида, Рейхстаг қамалида иштирок этган. Қуроли билан жангоҳлардан соғ-омон ўтган. Жангоҳларда беш марта яраланган. «Қирқ йил қирғин бўлса ҳам ажали етган ўлади» деган халқ донолигида таъкидланганидек урушдан омон келиш насиб этди. Жанговар хизматлари «Қизил юлдуз», I-II даражали “Шуҳрат», I даражали «Улуғ Ватан уруши» орденлари билан, «Мардлиги учун»  ва бошқа 24 медал билан мукофотланган.

   1945 йили урушга соғлиги яроқсиз бўлганлигидан элга қайтиб келади. 23 ёшга тўлганида уйланиб оила қуради. Узоқ йиллар экспедиция автокўлик корхонасида ҳайдовчи хизматини шараф билан бажариб, нафақага чиққан.

   Бугунда ўтган ҳаётнинг ҳасратга тўла тарихини ёдга оладиган қария аср билан тенгдош. Умр йўлдоши бундан 40 йил аввал дунёдан ўтган. Беш ўғил ва бир қиз тарбиялаб ўстиришган. Барчаси уйли-жойли. Улардан тарқалган невара, эваралар ушбу улкан оиланинг қувончи ва ишончи. Неъмат отанинг бошидан кечган саргузаштларини кўплаб китобларга ёзса арзигулик. Бугунги авлод Неъмат отадек аждодлари босиб ўтган ҳаёт йўлини ўзларига намуна мактаби деб билишади.

   Буюк Ғалабанинг 75 йиллик байрами билан муборакбод этиб, Неъмат отахонга мустаҳкам саломатлик, ғайрат тилаган ҳолда Улуғ Ватан уруши иштирокчиларининг шижоати, «Ҳеч ким ва ҳеч нарса унутилмайди» дейман.

   Умитбек БАҒДАТ.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Вы не можете скопировать содержимое этой страницы