- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Skype
- Telegram
Туркистон шаҳар полиция бошқармаси бемаҳал вақтда кўчада сабабсиз юриш қонунга хилоф эканлигини огоҳлантиради. Фақат шифохона, дорихона ва бошқа зарур сабаблардагина уйдан чиқиш ўринли. Энг аввало бу нарса ўзингизга ва оилангиз хавфсизлиги учун мақбуллигини масъулият билан тушуниш керак.
«Мен сиз учун ишдаман, сиз мен учун уйда қолинг» деган даъватни шиор қилган тартиб посбонлари хавфни фақат уйда қолибгина енгиш мумкинлигини таъкидлайди. Шу боис пандемияни бўлдирмаслик ва унинг олдини олиш бўйича рейд тадбир қўлга олинган.
Хусусан, шаҳар полиция бошқармаси йўл полиция патрул ходимлари кеч соат 20.00 дан бошлаб шаҳар кўчаларида ҳаракатланаётган кўликларни тўхтатиб, тушунтириш ишларини юритди. Фавқулодда вазиятда қонун талабларни бажариш зарурлиги огоҳлантирилди.
Туркистон шаҳар полиция бошқармаси раҳбарининг кадр бўйича ўринбосари, полиция полковниги Бауржан Алдабергенов рейд тадбири келажакда давом этади, деб таъкидлади биз билан суҳбат давомида. Нуфузли орган вакиллари баён этганидек қонун талабларига бўйсунмаган фуқаролар ҚР МҲБК-нинг 176 боби билан 10 ойлик энг қуйи иш ҳақи кўрсаткичи ёки 10 суткага маъмурий қамоқ жазосига олиниши эҳтимол.
Таъкидлаш керак, 15 мартдан бошлаб элимизда эълон қилинган ФВ талабларини бажармаган 27 фуқарога маъмурий чора кўрилган. Хусусан, жарима солинганлар билан маъмурий қамоққа олинганлар бор.
Нуртас КЕНЕСБЕКОВ.