ҚР-ның Президенті Қасым-Жомарт Тоқаевтың Жарлығымен елімізде төтенше жағдай жарияланған күннен бастап COVID19 пандемиясынан сақтану мен алдын алу бойынша түсіндіру жұмыстары жүргізілуді. Әлемде орын алып жатқан жағдайға бей-жай қарамаған Түркістан облысы, Жетісай ауданы, Қазыбек би ауылдық округінің азаматтары алғашқылардың бірі болып ауылдарына өз күштерімен блок-бекет орнатты.
Ерікті жастар ауызбіршіліктерін танытып аудан аумағындағы блок-бекеттегі тәртіп сақшылары мен әскерилерге ас-суын жеткізіп беруде. Атап айтқанда, Құрбан ата ауылының 1994 жылғы туылған азаматтары 200 азаматқа түскі ас дайындап, тарқатты. Негізінен блок-бекеттерде ауылға кіріп-шығатын әрбір көлік пен адамдар жіті бақылауда.
Белсенді жастарының бірі Нұрдәулет Елшібаев бұл қадамды: «Біздің мақсатымыз – бергеніміз бен істегенімізді елге мақтанып, жарнамалау емес, қиын-қыстау кезеңде біз үшін, еліміздің амандығы үшін күн-түн демеу жұмыс істеп жатқан азаматтарға қолымыздан келгенше қолдау көрсету», – дейді.
Нұртас КЕҢЕСБЕКОВ.