Эл бошига тушган Фавқулодда вазиятда Туркистон вилояти ишчан аёллар уюшмаси ҳам имкон қадар ҳиссаларини қўшмоқда. Кун оша сони кўпайиб бораётган юқумли хасталикнинг олдини олиш мақсадида уйдан чиқмасдан ўтирган фуқароларга уюшма раисаси Инара Намазбаева бошчилигидаги гуруҳ билан бирга фаол аъзолари кўмак кўрсатди.
Ижтимоий шароити ночор кам таъминланган бева аёллар билан имконияти чекланган фуқароларнинг оилаларини бир марталик озиқ-овқат маҳсулотлари билан таъмин этди. Кундаликда керакли маҳсулотлар билан бирга тиббий ниқоб ҳам ҳадя этган уюшма аъзолари нафақат Туркистон шаҳри ҳудудинигина эмас, балки Ўтирор тумани ҳамда Қумтуйин овули турғунларининг олқишига сазовор бўлди.
Қандай шароитда ҳам бир ёқадан бош, бир енгдан қўл чиқариб, бирга эканлигимизни исботлаймиз дейди ишчан аёллар.
Ақмарал ҒАНИ қизи,
ҚР Журналистлар уюшмаси аъзоси.