Түркістан облысындағы шағалалы Шардара өңірі «Шардара Армспорт» спорт клубымен танымал. Білектілер клубын әлемге таныту үшін енді Қазақстанда ғана емес әлемнің бірқатар мемлекеттеріне әуе тасымалын жасайтын «Skat airlines» компаниясы әуе журналдарында жарнамалайды.
Қазақстан Республикасының құрама сапында өнер көрсететін шардаралық спортшылар бүгінде мықтылығын әлемге мойындатып келеді. Шекара таңдамайтын спорт арқылы жерлестерімізге әлем жұртшылығына дәл осылай танылуға жол ашылды.
Компанияның ұшақтарына отырған кез келген жолаушы ауданның даңқты чемпиондары жайында оқып біле алады. Нақтырақ айтқанда, журналда спорт клубтың негізін қалаған даңқты спортшы Арман Романұлы Қарсыбаев жайында, клуб жетістігі, клубтан тәрбиеленіп шыққан әлем чемпиондары туралы мағлұмат алуға болады.
Нұртас КЕҢЕСБЕКОВ.