Туркистон вилояти ҳокимининг ўринбосари Мейиржан Мирзалиев вилоят маркази кўчаларининг газлаштирилиши бўйича ижтимоий тармоқ орқали хабардор этиб боришни йўлга қўйган. У ўзининг фейсбук саҳифасида аҳолини газ билан таъминлаш бўйича Туркистон шаҳри ҳокимлигининг топшириғи бўйича «Тұрахмет и Компания» МЧБ, «Отау Строй» МЧБ ва «ЭнергоРесурс» МЧБ фаолият юритаётганини маълум қилган эди.
Саҳифада: «Ҳар бир пудратчи компания ишларни белгиланган вақтда якунлаши керак. Қурилиш ишлари муддати бўйича якунланмаган шароитда кўрсатилган вақтлар яна ўзгариши ҳам мумкин. Албатта, бизнинг назоратимизда бўлмайдиган турли шароитлар бор эканлигини эътиборга олиб, аҳолини тўғри тушунишга чақираман» дейилган. Қўшимча, кичик туманлардаги газлаштириш харитасининг чизмаси эълон қилинган. Туркистон ва Кентов шаҳарларини жорий йили 100 фоиз газ билан таъминлаш режаланган. Бу газ қувурлари шаҳар кўчалари билан тўлиқ тортилади деган сўз. Тўлов ҳақини тўлаб, газдан фойдаланиш ҳар бир турғуннинг ихтиёрида. Туркистонда бугунги кунда зангори оловга уланган 6500 дан зиёд абонент бор.
Бинобарин, табиий газ масаласи бўйича шаҳар аҳолисининг саволи етарли. Бири зангори оловни фойдаланиб қувончда бўлса, яна бири газни уйга тортиш машаққати ҳақида . Шу боис жамоатчиликнинг дилида юрган саволларга жавоб излаш мақсадида «ҚазтрансГаз Аймақ» ҲЖ Туркистон ишлаб чиқариш филиалининг директори Шалқар Ўмарбеков билан суҳбатлашган эдик. Бу хизматига қадар Алмати ва Ақтўбе ишлаб чиқариш филиалларига раҳбарлик қилган фуқаро энг аввало газдан заҳарланишнинг зардобини айтиб, имкон қадар хавфсизлик тадбирларига эътибор қаратиш лозимлигига тўхталди.
Суҳбат давомида филиал директори табиий газдан заҳарланиш факти бўйича Шимкент шаҳрида кун сайин 2 ёки 3 шароит рўйхатга олинадиганлигини таъкидлаб ўтди. Бу шароитни маънавий пойтахтимизда бўлдирмаслик учун эҳтиёткорлик чораларини ёдда тутиб, доим хавфсизлик қоидаларини сақлаш керак деган фикрда. Агарда қандай бир газнинг оқиши (учетка газа) бўлган шароитда тезда фавқулодда вазият 104 диспетчерлик рақамига (кун давомида) мурожаат этиш мумкин. Газ қозонхонасини ҳам турар жойдан алоҳида хонага жойлаштирган лозим.
Шунингдек, уй шароитида газни текшириш мумкин. Бунинг учун совунли кўпик сув фойдаланилади. Имкон қадар газ соҳаси мутахассисларининг ёрдамига суянган маъқул. Бу биринчи навбатда ўз ҳаётингизни сақлаш учун бажарилаётган қадам. Хавфсизликнинг олдини олиш учун газ қолдиқларини чиқарадиган муржа ҳам баландроқ бўлгани афзал. Зангори оловни уйга тортишни хоҳласангиз қуйидаги ҳолатларни ёдда тутганингиз афзал. Юқорида айтилган пудратчи компанияларнинг кўчалар билан тортиб ўтган тизимлари орқали сизнинг уйингизга 30 метргача масофадаги икки нуқтани газга улаш учун 85 минг тенге тўлов ҳақи тўлайсиз. Техник ҳужжатингиз тўлиқ ҳамда тўғри бўлиши шарт.
Нуқсон ўрин олган шароитда ҳаттоки бир неча йиллар ўтса ҳам ҳужжатни асосга олиб газ тортишга алоқадор барча ҳужжатлар ва иш сифатининг қонунийлиги текширилади. Бу ҳужжатингиз тўлиқ бўлмай, уйингизни газга улаш мумкин эмас. Шартнома тузган пудратчи компаниядан ўша ҳужжатни тайёрлашни талаб этишга ҳуқуқли эканингизни ёддан чиқармангиз. Турғунлар орасида тушунмовчилик туғдираётган яна бир масалага тўхталсак, у – газга уланиш йўналишида 85 минг тенге тарифи жорий этилмай туриб кичик туманларда шу вақтга қадар пудратчилар олиб борган ишлар шартнома асосида шу аслида ўзгаришсиз қолади.
Таъкидлаш жоиз, 2018 йилнинг ноябрь ойида очилган вилоят марказидаги «ҚазТрансГаз Аймақ» ҲЖ Туркистон ишлаб чиқариш филиалида умумий сони 60 ходим фаолият юритади. Ундан 9 туманга 2 ходимдан масъул мутахассис этиб тасдиқланган.
Нуртас КЕНЕСБЕКОВ.