Кенгаш давомида Соғлиқни сақлаш вазири Елжан Биртанов Қасим-Жўмарт Тўқаевга жаҳон соғлиқни сақлаш ташкилоти коронавирусни пандемия деб эълон қилгандан кейинги жаҳондаги ахвол ҳақида маълумот берди. Шунингдек, вазир ЖССТ-нинг вазифаси офатга қарши курашга алоқадор таклифларни, шунингдек Қозоғистон фуқароларининг хавфсизлигини ҳимоялашга боғлиқ қабулланаётган қарорлар тўғрисида маълумот берди.
Қозоғистон Президенти Ҳукуматга ва бошқа давлат органларига вируснинг элимизга киришига ва тарқалишига йўл қўймаслик тадбирларини қатъийлаштириш ҳақида қатор аниқ топшириқлар берди. Хусусан, оммавий маданий ва спорт тадбирлари, конференциялар билан кўргазмалар ўтказишга вақтинча таъқиқ этилади. Халқ кўп тўпланадиган жойларда, савдо марказлари билан бозорларда, жамоат овқатланиш жойларида, вокзаллар билан аэропортларда қатъий санитария режими жорий этилади. Мактаблардаги кўкламги ҳордиқ 2020 йилнинг 16 мартидан бошланади. Олий ўқув юртлари масофадан ўқитиш усулига кўчирилади. Халқаро аэропорт ташишига алоқадор қўшимча чеклаш тадбирлари қабулланади.
Қасим-Жўмарт Тўқаев аҳолини озиқ-овқат ва энг зарур маҳсулотлар билан узлуксиз таъминлаш вазифасини алоҳида таъкидлади. Президент чеклаш тадбирларининг кичик ва ўрта бизнеснинг зарар кўрмаслиги зарурлигини таъкидлади.