- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Skype
- Telegram
Ўтмиш тарихда қолган Совет даври, очарчилик билан қаҳатчилик азобини бошдан кечирган қозоқ халқи энг оғир дамларда ўзгаларни четлатмай бағрига босган. Етимини йиғлатмай, бевасини бечора қолдирмайдиган доно халқнинг қайсар феъли азалдан муқим. Ота юртини қўмсаб келган оғайинга тўридан ўрин бериб, бир бурда нонини баҳам кўрган. Шу орқали отадан болага мерос келган кўп фазилатлар йўқолмай йўлини топди. Бунинг ҳаммаси тарих тақвимида ифодасини топган. «Шукрона» кунининг теранга ёйилган тарихи шундадир. Кўкламнинг дастлабки куни билан бақамти келадиган байрамда Қозоғистондаги ўзга этнос вакиллари қийин-қистов даврда қучоқ очиб қарши олган кенг феълли меҳмондўст қозоқ халқига шукрона айтади. Яъни бу куни мустақил Қозоғистонни қуриш йўлида тер тўккан эл азаматларининг бир-бирига ҳурмат кўрсатиш куни.
Шукрона айтиш куни – улкан байрам. Элбошининг сара сиёсати натижаси, қозоғистонлик ватанпарварлик билан маданий кўп қирралиликнинг тантанаси куни. Ўз навбатида сиёсий қувғин-сургун ва очарчилик қурбонларини ёдга олиш куни – ўтмишнинг қайғули дамлари тўғрисида эсдаликлар, тарихий ҳақиқат билан одилликни тиклаш, ёш авлодни шундай қайғули воқеаларнинг такрорланишидан сақлаш. Шу куни тақдир туташтирган Қозоғистоннинг кўп этносли халқининг муштарак тарихини ҳурматлаш кунидир.
2016 йили Тўнғич Президент Фармони билан амалга ошган байрам йил сайин шаҳримизда кенг кўламда нишонланмоқда. 130 дан зиёд миллатни бағрига босган қозоқ халқи шу куни барча билан бирга байрамни нишонлайди.
Абдихан АБДИҚАДИРОВ,
Туркистон шаҳар «Жамоат тотувлиги» кенгаши раиси.