Шаҳар ҳокимлиги йўловчилар кўлиги ва автомобиль йўллари бўлими билан йўл-патрул полицияси иштирокида ғайриқонуний автокўлик туроқларига рейд юргизилди.
«Жауғашти» бозори атрофидан бошланган рейд давомида йўл бўйига қўйилган кўликлардан пул тўплаётган ходимларни сўзга тортдик. У ўзининг қонун доирасида ишлаётганлигини айтиб, мазкур масала бўйича бошқа саволларга бозор маъмурияти ходимлари жавоб беради деди. Бозор маъмурияти ходимларининг таъкидлашича бу ерда тўхтаган кўликлардан пул тўплашга рухсат йўқ. Келаси йўналишимиз «Темирлан» савдо уйи атрофидаги кўлик туроғи бўлди. Бу ерда туроқ ходими сифатида пул тўплаётганлар қайси идорада ишлайдиганлиги, қонун бўйича қандай ҳаракат қилиш лозимлигидан бехабар бўлиб чиқди.
Ўз мўлжалидаги жойга етган ҳайдовчилар кўлигини автотуроққа қўйишга чоғланганида қўлини чўзиб пул сўрайдиган «сариқ кийим»дагилар 200 тенгегача ҳақ талаб қилади. Уларнинг бири қонуний, иккинчиси қонунсиз эканлигини ҳамма ҳам билавермайди. Тадбир давомида ғайриқонуний пул тўплаб ўз манфаатини ўйлаган «сариқ кийим»дагиларга қатъий огоҳлантириш берилди. Ўз навбатида шаҳар турғунларига автотуроқ учун пул беришдан аввал пул тўплашга рухсат берилган ҳужжатини сўраш лозимлигини ёдга соламиз.
Умитбек БАҒДАТ.