Стамбул мен Түркістан арасында енді жүк ұшағы қатынайды. Қос қала арасындағы байланыстың нығаюына «Turkish Cargo» әуекомпаниясы жауапты. Алғашқы рейспен 37 тонна жүк келген. Жүктің басым бөлігі киім-кешек.
![](http://yassy-tur.kz/wp-content/uploads/2024/05/1714803718-34e6f32efa8f4f5118f6dfa59a2b001b-1024x576.jpeg)
Airbus 330-200 борты Италияның Рим қаласынан ұшып, Түркия арқылы Түркістанға жеткен. Енді осы жақтан азық-түлік тиеп Қытайға ұшпақ. Еуропаға тікелей жүк тасымалдауға қолайлы ұшақ аптасына екі рет, сәрсенбі-жұма күндері қатынайтын болады.
![](http://yassy-tur.kz/wp-content/uploads/2024/05/1714803703-4c2a25cb7d3d3df05963db482d8fdd07-1024x576.jpeg)
Айта кетейік, 2020 жылы ашылған Түркістан Халықаралық әуежайынан жуырда ғанаСамарқандқа тікелей қатынайтын рейс ашылған еді. Бұған дейін, Абу-Дабиге де тікелей қатынау мүмкіндігі ашылып, туристер саны біршама артқан.