Жетісай ауданы әкімінің бекітілген кестеге сәйкес жергілікті тұрғындармен кездесуі Жетісай қаласында да өтті. Мақсат – өткен тоқсанда қала тұрғындары тарапынан көтерілген өзекті мәселелер бойынша атқарылған жұмыстардың барысымен таныстырып, басқа да мәселелердің шешілу жолдарын бірігіп талқылау, азаматтардың өмір сүру сапасын жақсарту ісінде қосымша ұсыныс-пікірлерді тыңдау.
Аталмыш басқосуға бөлім басшылары мен тиісті мекеме басшылары қатысты.
Кездесуді Серік Үсенұлы өткен тоқсанда жетісайлық жұртшылық тарапынан көтерілген мәселелердің орындалуы барысымен таныстырудан бастады.
Қала тұрғындарының аудан әкімімен ақпан, мамыр айларында өткен кездесулерінде қаладағы өзекті деген 5 мәселе көтерілген болса, олардың 2-і бойынша түсіндірме жұмыстары жүргізіліп оң шешімін тапса, қалған 3-і бойынша тиісті жұмыстар жүргізілуде.
Қала, кент, ауылдық округтердн тұрғындардың түнгі қауіпсіздіктерін қамтамасыз ету мақсатында жарықтандыру жұмыстары да жүйелі жүргізілуде.
Сонымен қатар, кездесуде аудан аумағындағы санитарлық тазалық және аудан тұрғындарын табиғи газбен қамтып, көгілдір отынға деген сұранысты толықтай қанағаттандыру және газ тұтынушылар санын аудан тұрғындарының 60 пайызына жеткізу жұмыстарының жүргізіліп жатқандығы айтылды.
Ауданда жаңа өндірістік кәсіпорындарды ашу мақсатында индустриялды аймақ құру, Жетісай қаласы аумағынан шағын өндірістік парк ұйымдастыру үшін инфрақұрылыммен қамтылған 4 гектар жерге «Түркістан» әлеуметтік кәсіпкерлік корпорациясы арқылы 15 шағын кәсіпорындарды жайғасып, 200 адамды жұмыспен қамту жұмыстары жүргізілуде.
Кездесуден соң Серік Мамытов қала тұрғындарына жеке қабылдау өткізіп, қосымша өтініштер мен ұсыныс-пікірлерді тыңдады. Хаттамаға енгізіліп, жауапты сала мамандарына тиісті тапсырмаларды берді.