6 жыл ішінде кәсіпкер жаңа студенттік жатақхана салу үшін бір студентке 4 млн. теңге, Алматыдан бір студент үшін 4,7 млн. теңге алады. Айта кететіні кәсіпкер жатақханаларды өз қаражатыан салады. Мемлекеттік тапсырыс бойынша төлемдер құрылыс аяқталғаннан кейін және студенттердің нақты тұруы үшін ғана жүргізіледі.
Екі отандық білім министрлігі колледждер мен жоғары оқу орындарының студенттеріне арналған жатақхана салу кезінде құрылысшылардың шығындарын ішінара төлем өтеуін көздейтін мемлекеттік тапсырысты орналастыру бойынша төленетін сомасын қайта қарап оны ұлғайтып, төлем мерзімін қысқартқан болатын.
Сондай-ақ, 2023 жылдың 1 қаңтарынан бастап енгізілген нысандар бір студентке жатақхана салу кезінде 6 жыл ішінде жылына 195 АЕК және Алматы қаласында жылына 230 АЕК төленетін болады.
Яғни, 100 орынға арналған студенттік жатақхана салу кезінде мемлекет 6 жыл ішінде құрылыс шығындарын өтеу үшін кәсіпкерге 403 млн теңге (476 млн.теңге – Алматы қ.) төлейді. Бұл ретте, мемлекеттік тапсырыс бойынша төлемдер аяқталғаннан кейін объект кәсіпкердің меншігінде қалады. Төлемдер 6 жыл ішінде ай сайын 12 ай, тіпті жатақханада студенттер болмаған жазғы демалыс кезеңінде де төленеді.
Бұдан бөлек, мемлекеттен төленетін төлемдерден басқа, кәсіпкер студенттерге тұру үшін жалдау ақысын белгілеуге құқылы, бұл оның кірісіне есептеледі. Сондай-ақ, кәсіпкер студенттік жатақханада қосымша табыс табу үшін дүкен, шаштараз және т.б. коммерциялық үй-жайларды орнатуға құқылы. Жатақханалардағы орын тапшылығы мәселесі барлық өңірлер үшін өзекті тақырып. Статистикаға сәйкес, жатақханаға мұқтаж студенттер саны 63 мыңнан асады. Ең үлкен қажеттілік Алматы қаласы (26 581 орын), Астана (13 102 орын) және Түркістан облысында (6208 орын).
Айта кетсек, мемлекет тарапынан ақшалай төлемдер түріндегі қолдау және жоғары қажеттікті ескере отырып, кәсіпкерлерге қазір қонақ үй немесе кампусқа қарағанда студенттік жатақхана салу әлдеқайда тиімді деген қорытынды жасауға болады. Бағдарламаның операторы “Қаржы орталығы” АҚ болып табылады және бағдарламаға қатысу үшін жерге құқық белгілейтін, сәйкестендіру құжаттарымен, заңды тұлғаның болуы туралы құжаттармен алдын ала келісімшарт жасасуға өтінім беру жеткілікті.
Бағдарлама туралы толық ақпаратты қаржы орталығының fincenter.kz сайтынан немесе 8-800-080-28-28 нөмірі бойынша алуға болады.