Қала әкімдігінің ішкі саясат бөлімі «Жастар ресурстық орталығы» КММ-нің әлеуметтік психологиялық сүйемел-деу секторының психолог, заңгер, теолог, әлеуметтік қыз-меткер мамандарымен қала аумағындағы барлық мөлтек аудандарда тұрмыстық зорлық-зомбылықты болдырмау мақсатында 68 кездесу мен семинар-тренингтер, түсін-дірме жұмыстары жүргізілді. Шараларға қала тұрғындары менорта арнаулы оқу орындарының студенттері, жастар және жасөспірімдер қатысты. Қазіргі таңда насихаттық жұмыстардың нәтижесінде бүгінгі күнге дейін 27 отбасы сектор қызметкерлеріне түрлі бағытта көмек сұрап жүгінген болатын. Атап айтар болсақ, заңгерлік көмек пен психолог маманға бір-бір адамнан келсе, әлеуметтік қызметкер көмегіне жиырма бес адам жүгінген.
Көрсетілген көмектерді саралай кетсек, заңгерлік көмекке алимент өндірте алмай жүрген азаматша, психолог маманға отбасындағы ерлі-зайыпты арасындағы кикілжіңге қатысты сауалдарымен келсе, әлеуметтік қызметкерге тұрмысы төмен отбасылар мен көпбалалы аналар көптеп келген. Қазіргі таңда жоғарыда аталған отбасылардың түрлі мәселелеріне әлеуметтік психологиялық сүйемелдеу секторының қызметкерлері тарапынан көмектер көрсетілді.
Облыстық ақсақалдар мен қалалық ардагерлер кеңесі, сондай-ақ, облыстық аналар алқасының және қалалық әйелдер ұйымының мүшелері мен төрағалары, төрайымдарының қатысуымен қаламыздағы тұрмысы төмен және көпбалалы отбасыларға «Сыбаға» қайырымдылық қоры аясында қажетті азық-түліктер үлестірілді.
Түркістан қаласы әкімдігінің ішкі саясат бөлімінің «Жастар ресурстық орталығы» КММ-нің әлеуметтік психологиялық сүйемелдеу секторы отбасындағы тұрмыстық-құқықтық негіздегі құқықбұзушылықтың алдын алу, тұрмыстық зорлық-зомбылықтан зардап шеккен тұрғындарға психологиялық, діни экстремизм мен терроризм қылмыстарының шығу жағдайларына теологиялық көмектер беріледі.
«Жастар ресурстық орталығы» КММ-нің әлеуметтік психологиялық сүйемелдеу секторының қазіргі таңдағы мекен-жайы Ғ.Мүсірепов көшесі №3 (Н.Төреқұлов музейінің жанында орналасқан). Байланыс нөмірі: 8-771-793-01-17, 8-777-378-19-77.
А.БАЗАРБАЙҚЫЗЫ,
«Жастар ресурстық орталығы» КММ-нің әлеуметтік психологиялық сүйемелдеу секторының психологы.
Ә.ҚАЛМАТАЕВА,
«Жастар ресурстық орталығы» КММ-нің әлеуметтік психологиялық сүйемелдеу секторының теологы.