Сапалы өнімге сұраныс мол. Ел ордасы Нұр-Сұлтан қаласында Түркістан облысының ауыл шаруашылығы өнімдерінің жәрменкесі өтуде. Бүгін басталған шара екі күнге созылады.
Түркістан облыстық ауыл шаруашылығы басқармасының басшысы Нүрбек Бадырақовтың айтуынша, бұл жәрмеңкеге жалпы құны 153 млн теңгені құрайтын 275 тонна өнім әкелінген. Ондағы өнімдердің бағасымен Түркістан облысының әкімі Өмірзақ Шөкеев және Нұр-Сұлтан қаласының әкімі Алтай Көлгінов арнайы келіп танысты.
Халық үшін тиімді бағаға саудалған ауыл шаруашылық өнімдеріне елордалықтар алғыстарын айтуда. Сонымен қатар, Түркістан облысының жәрмеңке алаңында қала қонақтары үшін мәдениет саласының майталмандары конценрттік бағдарлама өткізуде.