- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Skype
- Telegram
Облыс әкімі жауапты басшылармен бірге бірнеше құрылыс нысанын аралап, халықаралық теннис орталығына барды. Мұнда жұмыс қарқынды жүріп жатыр. Өндірістік кестеге сәйкес сыртқы әрлеу жұмыстары аяқталған. Сыртқы инженерлік желілері тартылып, әкімшілік ғимаратының 1 және 2-қабаттарында ішкі әрлеу жұмыстары жүргізілген. Әкімшілік-іскерлік орталығындағы тұрғын үйлер де өндірістік кестеге сай салынып жатыр.
Сонымен қатар, сынақтан өткізу үшін Түркістанда құрылысы жүріп жатқан ескек есу базасына су жіберіліп, осы арқылы мамандар каналды толық сараптап, кем-кетіктері болса, алдағы уақытта толықтырмақ. Облыс әкімі Өмірзақ Шөкеев аталған нысанға барып, жұмыс барысымен танысты. Беткейлерінің бетондау жұмыстары да аяқталып келеді. Арнайы құбырлары мен арықтары орнатылды. Су келетін каналдар дайын. Қазір 250 мың текше метр су жиналған, нысан су қабылдауға дайын.
– Бұл – өте ауқымды жоба. Спорт кешендері бар есу каналы өңірде су спортын дамытып қана қоймай, туризмнің гүлденуіне де үлес қосады. Екіншіден, қаланы көгалдандыру, атмфосферасын өзгертуде де каналдағы судың маңызы зор, – деді Өмірзақ Шөкеев.
Яссы көшесінің бойын абаттандыру, гүлзар салу да жалғасуда. Өмірзақ Шөкеев 25 бригадаға арналған облыстық жедел жәрдем станциясында да болды. Сыртқы әрлеу, инженерлік желілер тарту жұмыстары мәреге таяу. Абаттандырылу барысы да талапқа сай. Нысан 1-2 ай көлемінде тапсырылмақ. Ал Полиция департаментінің жедел басқару орталығының шатыры орнатылуда. 2 және 5 автокөлікке арналған гараж, қойма ғимараттары 80%-ға дайын. Сыртқы инженерлік желілері тартылған. Құрал-жабдықтар жеткізілуде. Өңір басшысы жауапты тұлғаларға құрылыс нысандарын сапалы әрі өз уақытында тапсыру керектігін ескертті. Өңірдегі әлеуметтік және маңызды нысандардың құрылысы жалғасады.