Түркістан облысына қарасты, Шардара ауданындағы жасөспірім белгісіз бағытқа шығып кетіп, қайта оралмаған. 18 жастағы жігітті іздеуге Шардара АПБ-нің барлық тиісті полицейлері жұмылдырылған. Әр полицей өз аумағына қарасты үй-жайларды тексеріп, баланың баруы мүмкін деген орындарын қараған. Тәртіп сақшылары іздестіру шараларын жоғары деңгейде жүзеге асырып, жас жігітті 170 шақырым жердегі қойшы ауылдан тапқан.
«Хабарсыз кеткен ұлымды іздеуге кірістім. Алайда таба алмай полиция қызметкерлерінен көмек сұрадым. Олар менің баламды тез арада тауып берді. Полицейлерге үлкен рақметімді айтамын»,-деп алғысын жаудырды.