Ордабасы ауданында тұратын азаматша үйінің ауласына есірткі өсіріп жүрген. Ордабасы АПБ-нің ЖПҚ УПИ полиция аға лейтенанты Бақытжан Тұрсынбаев аумақты аралап, тексеру жұмыстарын жүргізу барысында бұл жайтты анықтады. ҚР ҚК-нің 300-бабы «Құрамында есірткі заттар бар, өсіруге тыйым салынған өсімдіктерді заңсыз егіп-өсіру» бойынша СДТБТ-ға тіркелді.
Тексеру барысында күдіктінің ауласынан түбі қопсытылып, суғарылып, күтіп-бапталған 5 түп жасыл түсті, өзіне тән айрықша хош иісі бар, есірткіге ұқсас өсімдік заты анықталған. Айғақ зат ретінде тәркілеп, тиісті сараптамаға жіберілді. Сараптама қорытындысына сәйкес, тәркіленген өсімдік «сора» болып шыққан.