Бүгін Халықаралық қазақ-түрік университетінің мәдениет сарайында «Шұғылалы таң» қайырымдылық қоғамдық қорының жаңа жылдық мерекелік іс-шарасы болып өтті.
Жоғарғы деңгейде ұйымдастырылған шараға Қалалық мәслихат хатшысы Мақсат Асылбекұлы мен қалалық мәслихат депутаты Ғаппар Амантайұлы қатысты. Ашылу салтанатында сөз сөйлеген депутаттар мүмкіндігі шектеулі балаларға арналған мектеп ұжымы мен қадірлі ұстаздарына ризашылығын білдіріп, арнайы алғыс хаттарын ұсынды.
Тәуелсіздіктің 30 жылдық мерекесіне орай аталмыш қордың басшысы Дана Орманова ханымға арнайы «ҚР Тәуелсіздігіне 30 жыл» төсбелгісін табыстады. Мерекелік іс-шара өнерпаздардың жырлары мен әндеріне ұласып, керемет көңіл күй сыйлады.