Түркістанды инклюзивті, баршаға ортақ шаһарға айналдыру қажет. Осы мақсатта қала әкімдігі алдағы уақыттарда пандустар бойынша рейдтерді жиі жүргізеді. Себебі, көпшілік қолданатын, баспалдақ орнын алмастырғыш пандустар талаптарға сай келмейтін кездер көп кездесіп жатады. Бірі жоқтан бар болса, енді біріне мүмкіндігі шектеулі жан былай тұрсын сау адамның өзі тауға шықандай ентігіп әрең шығады. Құрылыс нормаларына сәйкес тұрғын үй, қоғамдық және өндірістік ғимараттар ыңғайлы пандустармен жабдықталуы тиіс. Олар қолданушыға қолайлылық тудырып, тайғақ болмауы керек. Пандустарды тек физикалық мүмкіндігі шектеулі адамдар ғана емес, сонымен қатар балалар арбалары бар ата-аналар мен велосипедшілер де пайдаланатынын ескерейік.
Түркістан – баршаға ортақ қала
2 031 көрілім