Түркістан қаласының әкімі, “Нұр Отан” партиясы қалалық филиалының төрағасы Нұрбол Тұрашбеков алдын-ала бекітілген кестеге сәйкес жеке қабылдау өткізіп, тұрғындардың өтініштері мен ұсыныстарын тыңдады.
Жеке қабылдауға келген азаматтар жол, оның сапасы мен қауіпсіздігі, әлеуметтік және медициналық көмек, коммуналдық баспана алу, жұмысқа тұру мәселелері бойынша шаһар басшысына өтініштерін жеткізіп, көмек сұрады.
Нұрбол Әбдісаттарұлы тиісті бөлім басшыларына тапсырмалар беріп, заңға сәйкес жұмыс атқаруды ескертті. Инфрақұрылымға қатысты шағымдарды жеке барып тексеретінін айтып, нәтижесімен нақты шаралар қабылданатынын атап өтті.