Қозоғистон коронавирус инфекциясига қарши Россиянинг Гам-КОВИД-Вак (“Спутник V”) вакцинасини мақуллаган 27 чи давлат ҳисобланади. Бу жаҳонда биринчи рўйхатга олинган вакцина. Вакцинанинг самарадорлиги 91,6 фоизни кўрсатган бу маълумот 19866 кўнгиллига синов юритилгандан кейин олинди. Дастлабки ҳисоблар бўйича февраль ойида 100 мингга яқин одамга вакцина солинса, шу йилнинг биринчи ярмига қадар 2 млн одам эмланади деб режаланмоқда. Биринчи навбатда хасталикни юқтириш хавфи юқори шифокор, педагог, ҳуқуқни ҳимоялаш ходимлари эканлиги лозим. Кўпчиликнинг фикрини иккига бўлган эмлаш хусусида теранроқ билиш мақсадида бош шифокорлар билан учрашиб, вакцина солдирган тиббиёт ходимларининг аҳволи билан танишдик.
Февраль ойининг бошидан Қозоғистонда коронавирус инфекциясига қарши вакцинация бошланди. Эмлаш фуқароларнинг розилиги билан кўнгилли равишда амалга оширилди. Туркистон шаҳрида вакцина солиш энг аввало юқумли касалхонада ишлайдиган тиббиёт ходимлари, сўнгра тез ёрдам, шифохонада хизмат қиладиган ходимлардан бошланади. Вакцина ҳақида тўлиқ ахборот олиш учун Туркистон шаҳар шифохонасининг бош шифокори ўринбосари Серик Абдиқулов билан сухбатлашдик.
– Февраль ойида етказилган 200 вакцинанинг айни пайтда 170 таси солинди. Вакцинация олдида шифокорлар мижозларнинг ҳароратини ўлчаб, эпидемиология таҳлилларини тўплаб, юрак уруши тезлиги, қон босими, нафас олиши ва юрак қон томирлари тизимини текширади. Ҳар бир ходим коронавирус инфекциясига қарши эмлаш тўғрисида олдиндан хабардор этилган. Мижозга профилактик эмлаш, унинг нохуш таъсири эҳтимоли ҳамда эмлашдан бош тортиш холатлари тўғрисида тўлиқ объектив ахборот берилди. Вакцинация олдида шифокор эмлаш одамнинг умумий шароитини текширади ҳамда дори-дармон билан озиқ-овқат ёки вакцинага аллергияси бор ёки йўқлигини, илгари вакцинадан ёқимсиз реакция бўлдими, шу масалаларни аниқлайди. Тиббиёт ходимлари вакцина солдиргандан кейин 30 дақиқа ичида жисмоний масофа талабларини сақлаган ҳолда шифохонада тиббиёт назоратида бўлади. Бу вакцинанинг таъсирини билиш учун зарур. Айни пайтда вакцина солдирган фуқароларнинг барчаси бевосита ҳудудий шифокорларнинг назоратида. Эмлашдан кейин ҳеч бир фуқаронинг оғриб, тана ҳароратининг кўтарилиши каби тескари ҳол аниқланмади. Шу ҳафтанинг охиригача қолган 30 вакцина тиббиёт ходимларига тўлиқ солинади. Ҳозирча вакцинадан бош тортган тиббиёт ходимлари йўқ. Келажакда 18 ва 60 ёш оралиғидаги фуқароларга, хусусан, бошқа хасталиклари йўқ аҳолига эмланади. Ҳозирча саралаш ишлари юритилмоқда, – дейди Серик Абдиқулов.
“Спутник V “ вакцинасини солдирган ходимлар қаторида Анес Қаламқас билан шифокор инфекционист Айгул Абу қизи ҳам бор. Айни пайтда иккаласи ҳам ўзларини яхши хис қилади. Эмлашдан кейин уларда ҳеч қандай салбий таъсир бўлмаган. Кундалик ҳудудий шифокорлар назорат қилиб текширади. Орадан уч ҳафта ўтиб вакцинани иккинчи марта солиш даври юритиладиганлигини айтди. Биринчи дўза антитаналарнинг кам миқдорини ишлаб чиқаришга боғлиқ қисқа ҳимоя таъсирини берса, иккинчи дўза биринчи дўзанинг таъсирини кучайтиради ҳамда инсон танасидаги антитаналар сони ортади. Халқ орасида вакцина солишнинг катта мажора туғдиргани сир эмас. Ижтимоий тармоқларда тарқалган турли ахборотлардан чўчиб қолган фуқароларнинг кўпчилиги вакцинага қарши. Шу хусусида шаҳар ахолисига саволнома юритганмиз. Унга иштирок этган аҳолининг 95 фоизи “Йўқ” деб жавоб берса, 5 фоизи эмлашга қарши эмас.
Мўлдир ХАЛИЛАЕВА,
“Туркистон”.